Psalms 64

Azerbajani Bible (South) Used in Both Iran and Azerbaijan 2008

1يالواران سسئمي اشئت، اي تاري؛ دوشمن قورخوسوندان حياتيمي حئفظ ات.

2پئس آداملارين گئزلي مصلحتلشمه‌لرئندن، فئساد ائشله‌ينلرئن ولوله‌سئندن مني ساخلا.

3اونلار قيلينج کئمي دئل‌لرئني ائتئلدئرلر، آجي سؤزلرئني اوخ کئمي کامانلارينا قويورلار کي،

4گئزلي يردن معصوم بئر ائنسانين اوستونه آتسينلار؛ قفئلدن آتيرلار و قورخولاري يوخدور.

5پئس سؤزلرله اؤزلرئنه اورک ورئرلر، گئزلی تله‌لر قورماق اوچون دانيشيب ديئرلر: "کئم اونلاري گؤره‌جک؟"

6حاقسيزليق اتمه‌يي فئکئرله‌شئب ديئرلر: "گؤر نه ياخشي بئر کَلَک قوردوق!" ائنسانين هم ائچي، هم ده اوره‌يي بئلئنمزدئر.

7لاکئن تاري اونلارا اوخ آتاجاق؛ قفئلدن يارالاناجاقلار،

8اؤز دئللري اوزوندن ييخيلاجاقلار، اونلاري گؤرن هرکس بئر طرفدن قاچاجاق،

9هامي ائنسانلار قورخوب تارينين ائشئني خبر وره‌جکلر، اونون اتدئکلرئني دوشونه‌جکلر.

10صالح آدام ربده سوئنئب اونا پناه گتئره‌جک، بوتون اوره‌يي دوغرو اولانلار ربّه حمد اده‌جکلر.

← Chapter 63 Chapter 65 →