Psalms 29

Azerbajani Bible (South) Used in Both Iran and Azerbaijan 2008

1ربّي وصف ادئن، اي ائلاهي مؤوجودلار، ربّئن عئزّت و قودرتئني وصف ادئن،

2ربّئن آدينين عئزّتئني وصف ادين؛ موقدّسلئيئنئن شؤوکتئنده ربّه سجده قيلين.

3ربّئن سسي سولار اوستونده‌دئر؛ جلال تاريسي گورولدايير، ربّ چوخلو سولارين اوستونده‌دئر.

4ربّئن سسي گوجلودور؛ ربّئن سسي شؤوکتلي‌دئر.

5ربّئن سسي سئدر آغاجلاريني سينديرار؛ رب لوبنانين سئدر آغاجلاريني پارچالار.

6لوبناني دانا کئمي، سئريونو چؤل اؤکوزو کئمي سيچرادار.

7ربّئن سسي شئمشک چيخاردار.

8ربّئن سسي چؤلو تئتره‌در؛ رب قادش چؤلونو تئتره‌در.

9ربّئن سسي چؤل پوسته‌سی آغاجلاريني اَيدئرر، مشه‌لري چيلپاق ادر، اونون معبدئنده هرکس "جلال!" سسلنر.

10ربّ سللر اوستونده تخته اوتورور، رب پادشاه کئمي ابده‌جک تخته اوتورور.

11رب اؤز خالقينا قودرت وره‌جک؛ رب صولحله اؤز خالقيني برکتلندئره‌جک.

← Chapter 28 Chapter 30 →