Psalms 132

Azerbajani Bible (South) Used in Both Iran and Azerbaijan 2008

1يارب، داوودو و اونون بوتون فلاکتئني يادا سال؛

2نجه ربّه آند ائچدي، يعقوبون قادئر تاريسينا نذر اتدي:

3"اوئمئن چاديرينا گئرمه‌يه‌جيم، ياتاغيمين اوستونده ده راحاتلاماياجاغام.

4گؤزومه يوخو ورمه‌يه‌جيم، قويماياجاغام دا کي، کئرپئکلرئم آغيرلانسين.

5او قدر کي ربّه بئر ير، يعقوبون قادئر تاريسينا بئر مسکن تاپيم."

6باخ، عهد صانديغي حاقّيندا اِفراتادا اشئتدئک، اونو ياعَر چؤلونده تاپديق.

7"قوي اونون مسکنئنه گدک، قوي اونون قدمگاهيندا پرستئش ادک."

8يارب، راحاتلاما يرئنه قالخ؛ سن و قودرتئنئن صانديغي.

9قوي سنئن کاهئنلرئن صالحلئيه گيئنسئنلر، قوي سنئن موتّقئلرئن شادليقدان فرياد اتسئنلر.

10قولون داوودون خاطئري اوچون، مسح اتدئيئندن اوز چوئرمه.

11رب داوودا حقئقتله آند ائچئب، اوندان دؤنمه‌يه‌جکدئر: "سنئن تختئنه، بدنئنئن ثمره‌سئندن بئرئني اوتورداجاغام.

12اگر اوغوللارين منئم عهدئمي، اونلارا اؤيرده‌جيئم شهادتلري ساخلايالار، اونلارين اوغوللاري دا سنئن تختئنه ابده کئمي اوتوراجاقلار."

13چونکي رب صحيونو سچئب، اونو اؤزونه مسکن ائسته‌يئب.

14"بو ابده کئمي منئم راحات يرئمدئر. بورادا ساکئن اولاجاغام، چونکي بونو آرزو اتمئشم.

15بو يره چوخ روزي-برکت وره‌جيم، يوخسوللاريني چؤرکله دويوراجاغام.

16کاهئنلرئني نئجاتلا گيئندئره‌جيم، موتّقئلري شادليقدان فرياد اده‌جکلر.

17اورادا داوودا گوجلو بئر پادشاه چيخارداجاغام؛ مسح اتدئيئم پادشاهين چيراغيني يانار ساخلاياجاغام.

18دوشمنلرئني خجالتله بورويه‌جيم، آمّا اونون تاجي باشيندا ائشيق ساچاجاق."

← Chapter 131 Chapter 133 →