Psalms 12

Azerbajani Bible (South) Used in Both Iran and Azerbaijan 2008

1يارب، نئجات ور، چونکي موتّقي آدام آرتيق قالماييب؛ وفالي آداملار ائنسانلار آراسيندان يوخ اولوبلار.

2هرکس بئربئرئنه يالان ديئر؛ آلداتان دوداقلاري حئيله ائله دانيشير.

3رب کسسئن بوتون آلداتان دوداقلاري! تکبّورله دانيشان دئلي!

4ديئرلر: "دئلئمئزله ظفر تاپاجاغيق؛ دوداقلاريميز اولان حالدا، کئم بئزه آغا اولا بئلر؟!"

5رب بويورور: "فاغير آداملارا ادئلن ظولم اوزوندن، مؤحتاج آداملارين ناله‌سئندن اؤتري، ائندي قالخاجاغام. خئلاص آرزوسوندا اولانلارا خئلاص وره‌جيم."

6ربّئن سؤزلري پاک سؤزلردئر؛ تصفئيه اوچون کوره‌ده يدّي دفه ارئنمئش گوموش کئمي.

7اونلاري سن ساخلاياجاقسان، يارب، اونلاري ابده کئمي بو نسئلدن سن حئفظ اده‌جکسن.

8آداملار آراسيندا رذئل‌لئک چوخالاندا، پئس آدام هر يرده گَزَر.

← Chapter 11 Chapter 13 →