Ezekiel 15

Azerbajani Bible (South) Used in Both Iran and Azerbaijan 2008

1منه ربّئن بو سؤزو نازئل اولدو:

2"ای بشر اوغلو، اوزوم تَنه‌يئنئن آغاجي نه ائله هر هانسي بئر مِشه آغاجينداکي بوداغين آغاجيندان اوستوندور؟

3مگر اوندان آغاج آلينير کي، بئر ائشده ائستئفاده ادئلسئن؟ مگر اوندان پاياجيق دوزه‌لدئلئر کي، اوستونه اشيالار آسيلسين؟

4باخ، او يانماق اوچون اودا آتيلير. اود اونون ائکي اوجونو يانديراندان و اورتاسي قوورولاندان سونرا مگر داها بئر ائشه يارار؟

5باخ، بوتؤو اولاندا هچ بئر ائشه ياراميردي، اود اونو يانديريب-قورتاراندا و اورتاسي قوورولاندا سونرا کي، اصلا هچ بئر ائشه ياراماياجاق.

6بونا گؤره ده پروردئگار رب بله ديئر: «مِشه آغاجلاري آراسيندا اوزوم تَنه‌يئني يانان شي کئمي نجه اودا وردئم، اورشَلئمده ياشايانلاري دا اِلَجه اودا آتاجاغام.

7من اوزومو اونلارين ضئدّئنه چِوئره‌جيم. اوددان قاچسالار دا، اود گئنه اونلاري يانديراجاق. اوزومو اونلارين ضئدّئنه چِوئرَنده بئله‌جکسئنئز کي، رب منم.

8بلجه اؤلکه‌ني وئران اده‌جيم، چونکي اونلار خائنلئکله رفتار ادئبلر.» پروردئگار رب بله بويورور."

← Chapter 14 Chapter 16 →