Song of Solomon 7

azerbaijan-2013

1آیاقلارین دَمپایی ائچئنده نه گؤزَلدئر، ای نجئبزاده قیز! گئرده بودلارین جواهئر کئمی‌دئر، اوستا اَللرئنئن ائشی.

2گؤبه‌یئن گئرده بئر پئیالایا بَنزه‌یئر کی، هچ واخت جوربه‌جور شرابی اَسکئک اولماز. بِلئن زانباقلارلا بَزه‌نمئش بوغدا تایاسی‌دیر،

3ائکی دؤشون دئیه‌سن بئر جوت مارال بالاسی، اِکئز جیران بالاسی.

4بویونون عاج بورجو کئمی‌دئر، گؤزلرئن بَت-رَبّئم دروازاسینین یانیندا اولان خِشبون حوووضلاری کئمی. بورنون دَمَشق طرفئنه باخان لوبنان بورجونه بَنزه‌یئر.

5باشین سنئن اوستونده کَرمِل داغی کئمی‌دئر، باشینین ساچی دا دئیه‌سن ارغوان قایتان. پادشاهی اسئر ادن تِل‌لرئن‌دئر.

6نه گؤزَل، نه سِوئلمه‌لی‌سن، سن، ای حلاوتلی سِوگئلئم!

7بویون خورما آغاجی کئمی‌دئر، دؤشلرئن ده اونون سالخیملارینا بَنزه‌یئر.

8ددئم: «خورما آغاجینا چیخارام، سالخیملاریندان توتارام.» قوی دؤشلرئن اوزوم سالخیملاری کئمی اولسون، نفسئنئن رایئحه‌سی آلما رایئحه‌سی کئمی،

9آغزین دا لاپ یاخشی شراب کئمی، او شراب کئمی کی، سِوگئلئمئن دوداقلارینین اوستونه، دئشلرئنئن اوستونه دومدوز آخسین.

10من سِوگئلئمئنَم، و اونون شؤوقو ده منه‌دئر.

11گل سِوگئلئم، چؤله گِدَک. گجه‌نی کَندلرده کچئردک،

12سحر واختی اِرکَن اوزوم باغلارینا گِدَک، گؤرَک کی، آیا اوزوم آغاجی چئچکله‌نئب، نارلار چئچک آچیب؟ اورادا سِوگئمی سنه وره‌جیم.

13سِوگی اوتلاری رایئحه ورئر، قاپیلاریمیزین اوستونده هر جور سِچئلمئش میوه وار، هم تزه، هم ده کؤهنه. اونلاری سنئن اوچون ساخلامیشام، ای سِوگئلئم!

← Chapter 6 Chapter 8 →