Revelation 22

azerbaijan-2013

1سونرا منه حیات سویونون چایینی گؤرستدی کی، بولور کئمی شفّاف تاری و قوزونون تختئندن آخیردی؛

2شهرئن باش کوچه‌سی اورتاسیندا، چایین هم بو تایی، هم ده او تاییندا اون‌ائکی جور میوه گتئرن حیات آغاجی وار ائدی کی، میوه‌سئنی هر آی گتئرئردی؛ آغاجین یارپاقلاری دا مئلّتلرئن شفاسی اوچون ائدی.

3اورادا آرتیق هچ بئر لعنت اولمایاجاق؛ تاری و قوزونون تختی اورادا اولاجاق و اونون قوللاری اونا خئدمت اده‌جکلر.

4اونلار اونون اوزونو گؤره‌جکلر و اونون آدی اونلارین آلینلاریندا اولاجاقدیر.

5اورادا آرتیق گجه ده اولمایاجاق؛ اونلارین نه چیراق ائشیغینا احتئیاجلاری اولاجاق، نه ده گون ائشیغینا، چونکی رب تاری اونلاری مونوّر اده‌جک و اونلار ابددن ابده کئمی سلطنت اده‌جکلر.

6ملک منه ددی: «بو سؤزلر صادئق و دوغرودور.» و پیغمبرلرئن روحلارینین رب تاریسی اؤز مله‌یئنی گؤندَ‌ردی کی، اؤز قوللارینا عنقرئب باش ورمه‌سی واجئب اولان شیلری گؤرسدسئن.

7«باخ، من تزلئکله گلئرم. خوش او آدامین حالینا کی، بو کئتابین نبئلئک سؤزلرئنه قولاق آسیر.»

8بو شیلری گؤرن و اشئدن منم، یوحنّا! و اشئدئب گؤرَ‌نده یره ییخیلدیم کی، منه بونلاری گؤرسه‌دن مله‌یئن آیاقلاری قاباغیندا پرستئش ادئم.

9لاکئن او، منه ددی: «بونو اتمه. من سنئن پیغمبر قارداشلارینین و بو کئتابین سؤزلرئنه قولاق آسانلارین همکار قولویام. تارییا پرستئش ات.»

10و منه ددی: «بو کئتابین نبئلئک سؤزلرئنی مؤهورلَمه، چونکی واخت یاخیندیر.

11قوی حاقسیزلیق ادن، حله ده حاقسیزلیق اتسئن و کثئف اولان، حله ده کثئف اولسون. قوی صالح اولان، حله ده صالح عمل‌لر اتسئن و موقدّس اولان، حله ده اؤزونو موقدّس ساخلاسین.

12باخ، من تزلئکله گلئرم و اجرئم منئمله‌‌دئر کی، هر کسه اؤز عملئنه موطابئق عوضئنی ورئم.

13من ”اَلئف“ و ”ی“، اوّلئنجی و آخیرینجی، باشلانیش و آخیرام.»

14خوش او آداملارین حالینا کی، شئنل‌لرئنی یویورلار، اِله کی، حیات آغاجینا حاق قازانسینلار و دروازلاردان شهره گئرسئنلر.

15لاکئن ائتلر، سحربازلار، عئفّتسئز آداملار، قاتئل‌لر، بوتپرستلر و یالانی‌سِوَن و دانیشان هر کس شهردن اشئکده‌دئر.

16«من، عئسا، اؤز مله‌یئمی گؤندَ‌ردئم کی، کئلئسالار اوچون بو شیلرئن حاقّیندا سئزه شهادت ورسئن. من داوودون کؤکو و نسلی، او پارلاق سحر اولدوزویام.»

17موقدّس روح و گلئن دیئر: «گل.» قوی اشئدن ده دسئن: «گل.» سوسوز اولان قوی گلسئن، آرزو ادن حیات سویوندان موفته گؤتورسون.

18من، بو کئتابین نبئلئک سؤزلرئنی اشئدن هر کسه شهادت ورئرم: اگر کئمسه اونلارا بئر شی علاوه اتسه، تاری دا بو کئتابدا یازیلان بلالاری اونا علاوه اده‌جکدئر.

19و کئم بو نبئلئک کئتابینین سؤزلرئندن بئر شی گؤتورسه، تاری دا اونون پایینی بو کئتابدا یازیلمیش اولان حیات آغاجیندان و موقدّس شهردن گؤتوره‌جکدئر.

20بو شیلره شهادت ورن دیئر: «بلی، من تزلئکله گلئرم.» آمئن. گل، یارب عئسا.

21رب عئسانین فیضی سئزئن هامینیزلا اولسون. آمئن.