Revelation 18

azerbaijan-2013

1بو شیلردن سونرا گؤیدن اِنَن آیری بئر ملک گؤردوم. اونون بؤیوک ائقتئداری وار ائدی و یر اوزو اونون شؤوکتی‌ائله مونوّر اولموشدو.

2او، گوجلو بئر سسله، نئدا ادئب، دیئردی: ییخیلیبدیر، او بؤیوک بابئل ییخیلیبدیر! او، ائبلئسلرئن مسکنی، هر جور ناپاک روحون زئندانی، هر جور ناپاک و منفور قوشون یوواسی اولوبدور.

3چونکی بوتون مئلّتلر، اونون عئفّتسئزلئک هوسئنئن شرابیندان ائچئبلر، یر اوزونون پادشاهلاری اونونلا زئنا ادئبلر، دونیانین تاجئرلری ده اونون هاوا-هوسئنئن ثروتی ائله وارلی اولوبلار.

4گؤیدن آیری بئر سس اشئتدئم کی، دیئردی: ای منئم خالقیم، اوندان اشئیه چیخین کی، اونون گوناهلاریندا شرئک اولمایاسینیز، و بلالاری سئزئن باشینیزا دوشمه‌سئن.

5چونکی اونون گوناهلاری گؤیه قدر چاتیب، و تاری اونون فسادلارینی یادا سالیب.

6نه ورئب، اونا اِله ده عوضئنی ورئن، اونون عمل‌لرئنئن عوضئنی، ائکی‌قات ورئن، شراب حاضیرلادیغی پئیالا‌ده، اونا ائکی‌قات حاضیرلایین.

7نه قدر اؤزونو عئزّتلندئردئب، هاوا-هوسلرئنده یاشامیش اولسا، اونا او قدر ده عذاب و شئون ورئن؛ چونکی اوره‌یئنده دیئر: «من بئر ملکه کئمی اوتورورام، و دول بئری دیئلم. شئون اوزو ده گؤرمه‌یه‌جه‌یم.»

8بونا گؤره، اونون بلالاری، اؤلوم، شئون و قحطی، بئر گونده گله‌جک، و اودلا یاناجاقدیر، چونکی اونو موحاکئمه ادن رب تاری گوجلودور.

9اونونلا زئنایا باتمیش و اونون هاوا-هوسلرئنده یاشامیش یر اوزونون پادشاهلاری، اونون یاندیغینین توستوسونو گؤرن واخت، اونون اوچون آغلاییب شئون اده‌جکلر.

10اونون چکدئیی عذابین قورخوسوندان، اوزاقدا دوروب دئیه‌جکلر: وای، وای، او بؤیوک شهر بابئل، او قودرتلی شهر! چونکی سنئن موحاکئمه اولونماغین بئر ساعاتدا گلئب.

11دونیانین تاجئرلری ده اونون اوچون آغلاییب یاسا باتارلار، چونکی اونلارین ماللارینی آرتیق کئمسه آلمیر -

12قیزیل، گوموش، قئیمتلی داشلار، مئروارئلر، ظرئف کتان، ارغوان و ائپک و قیرمیزی، هر جور عطئرلی آغاج، فئل دئشئندن دوزَ‌لمئش هر جور اشیا، قئیمتلی آغاجدان، بورونجدن، دمئردن و مرمردن دوزَ‌لمئش هر جور مال،

13دارچین، ادوئیه، مور، عطئر، بوخور، شراب، زیتون یاغی، اعلا اون، بوغدا، مال-حیوانلار، قویونلار، آتلار، عارابالار، قوللار و ائنسان جانلارینی:

14جانینین آرزو چکدئیی میوه الئندن گدئب، بوتون نفئس و دبدبه‌لی شیلر سندن قیب اولوب، و اونلار سنده بئر داها تاپیلماز.

15اوندان وارلی اولان بو ماللارین تاجئرلری، اونون عذابینین قورخوسوندان اوزاقدا دوراجاقلار و آغلاییب یاسا باتاجاقلار.

16دئیه‌جکلر: وای، وای، او بؤیوک شهر، ظرئف کتانا، ارغوان و آلاقیرمیزا گیئنن، قیزیل، قئیمتلی داشلار و مئروائلرله بزه‌نن؛

17چونکی بوتون بله بؤیوک ثروت، بئر ساعات ائچئنده یوخ اولدو. بوتون گمی صاحئبلری، موسافئرلر و گمئچئلر، دهنزدن روزئلرئنی چیخاردانلارین هامیسی اوزاقدا دوردولار

18و اونون یاندیغینین توستوسونو گؤرنده باغیریب دیئردئلر: بو بؤیوک شهره هانسی شهر بنزه‌ر؟!

19و باشلارینا توز تؤکوب باغیریردیلار، آغلاییب شئون ادئردئلر. دیئردئلر: وای، وای، او بؤیوک شهر، او شهر کی، اونون ثروتئندن بوتون گمی صاحئبلری وارلاندی! چونکی بئر ساعات ائچئنده برباد اولدو.

20ای گؤی، ای موقدّسلر، حوارئلر و نبئلر، اونون حالینا سوئنئن! چونکی تاری سنئن اوچون اونون ضئدّئنه حؤکم ادئب.

21سونرا گوجلو بئر ملک دیئرمان داشینا بنزه‌ر بؤیوک بئر داشی گؤتوروب، دهنزه آتدی و دیئردی: «بؤیوک شهر بابئل بله شئدّتله آتیلاجاق و بئر داها تاپیلمایاجاق.

22چنگچی‌لرئن، سازاندالارین، توتکچئلرئن و شیپور چالانلارین سسی سنده آرتیق اشئدئلمه‌یه‌جک. هچ اوستالیغین اوستاسی سنده تاپیلمایاجاق و دیئرمان داشینین سسی ده سنده اشئدئلمه‌یه‌جک.

23چیراق ائشیغی سنده بئر داها ائشیق ورمه‌یه‌جک، بَی‌له گلئن سسی ده سنده آرتیق اشئدئلمه‌یه‌جک. چونکی سنئن تاجئرلرئن یر اوزونون بؤیوک آداملاری ائدئلر و سنئن سحربازلیغینلا بوتون مئلّتلر آلدانمیشدیلار.

24و پیغمبرلرئن، موقدّسلرئن و یر اوزونده اؤلدورولموشلرئن هامیسینین قانی اوندا تاپیلدی.»

← Chapter 17 Chapter 19 →