Psalms 66

azerbaijan-2013

1ای بوتون یر اوزو، شادلیقلا تارییا نئدا ادئن!

2آدینین عئزّتئنه پرستئش نغمه‌سی اوخویون، اونون حمدئنی شؤوکتلی ادئن!

3تارییا دیئن: «ائشلرئن نه هیبتلی‌دئر! قودرتئنئن عظمتئندن دوشمنلرئن سنه تابع اولاجاقلار.

4بوتون یر اوزونده اولانلار سنه پرستئش اده‌جکلر، سنه پرستئش نغمه‌سی اوخویاجاقلار، اونلار سنئن آدینا پرستئش نغمه‌سی اوخویاجاقلار.» سِلا.

5گلئن و تارینین ائشلرئنی گؤرون؛ ائنسانلارا اتدئیی ائشلری هیبتلی‌دئر.

6دهنزی قورو یره دؤندَردی؛ چایدان آیاقلا کچدئلر - گلئن اوندا سِوئنک.

7او قودرتی ائله ابده کئمی سلطنت ادئر، گؤزلری مئلّتلره دئقّتله باخیر؛ قویما عاصئلر اؤزلرئنی اوجالتسینلار. سِلا.

8ای خالقلار، تاریمیزا حمد ادئن، حمدلرئنئن سسئنی اشئتدئرئن.

9جانیمیزا حیات ورن، آیاقلاریمیزی دا سوروشمه‌یه قویمایان اودور.

10ای تاری، بئزی ائمتاحان ادئبسن. گوموشو اَرئدن کئمی، سن ده بئزی اَرئدئب خالئص چیخاردیبسان.

11بئزی تور ائچئنه آپاریبسان. بلئمئزه آغیر یوک قویوبسان.

12ائنسانلاری باشیمیزا مئندئرئبسن. اوددان کچمئشئک، سودان کچمئشئک، لاکئن سن بئزی گئنه بوللوغا چیخاردیبسان.

13یاندیرما قوربانلارلا سنئن اِوئنه گئره‌جیم، سنه اتدئیئم نذئرلری یرئنه یتئره‌جیم،

14اونلاری کی، دار گونومده دوداقلاریم بیان اتدی، آغزیم دانیشدی.

15یاندیریلان قوچلارین شئرئن ائیسی ائله سنه کؤکلمئش حیوانلاردان یاندیرما قوربانی تقدئم اده‌جیم. گامیشلاری کچئلرله سنه تقدئم اده‌جیم. سِلا.

16گلئن، قولاق آسین، سئز بوتون تاریدان قورخانلار! جانیم اوچون نه اتدئیئنی نقل اده‌جیم.

17آغزیملا اونو چاغیردیم، اونو دئلئمله عئزّتلندئردئم.

18اگر اوره‌یئمده پئسلئیه یر وِرسَیدئم، پروردئگار منی اشئتمزدی.

19لاکئن تاری یقئن کی، منی اشئدئب، دوعامین سسئنه قولاق آسیب.

20تاری موبارک اولسون کی، دوعامی ردّ اتمه‌یئب، محبّتئنی مندن گؤتورمه‌یئب.

← Chapter 65 Chapter 67 →