Psalms 61

azerbaijan-2013

1فریادیمی اشئت، ای تاری، دوعاما قولاق ور.

2اوره‌یئم تشوئشه دوشَنده، یرئن نهایتئندن سنی چاغیریرام، مندن اوجا اولان قایایا، منی چیخارت.

3چونکی سن منئم اوچون سیغیناق بئر یر اولوبسان، دوشمن قاباغیندا قووّتلی بئر قالا!

4ائسته‌یئرم کی، چادیریندا ابده کئمی ساکئن اولوم، قانادلارینین کؤلگه‌سئنه پناه گتئرئم. سِلا.

5نذئرلرئمی اشئدئبسن، ای تاری، آدیندان قورخانلارین مئراثینی منه ورئبسن.

6پادشاهین حیات گونلرئنه گونلر آرتیر، ائللری نسئلدن-نسئله قدر چاتسین؛

7تارینین حوضوروندا ابده کئمی تختئنه اوتورسون. اونو حئفظ اتمک اوچون محبّت ور، وفا ور.

8او زامان سنئن آدینا ابده کئمی پرستئش نغمه‌سی اوخویاجاغام کی، نذئرلرئمی هر گون یرئنه یتئرئم.

← Chapter 60 Chapter 62 →