Psalms 56

azerbaijan-2013

1منه رحم ات، ای تاری، چونکی ائنسانلار منه عذاب ورئرلر؛ بوتون گون هوجوم گتئرئب، منه ظولم ادئرلر.

2دوشمنلرئم بوتون گون تعقئب ادئرلر، چونکی ضئدّئمه تکبّورله هوجوم گتئرن چوخدور.

3قورخدوغوم زامان سنه توکّول ادئرم.

4تارییا، کلامینا حمد اتدئیئم تارییا توکّول ادئرم، هچ بئر شیدن قورخوم یوخدور. بشر منه نه اده بئلر؟!

5بوتون گون سؤزلرئمی ترسه ادئرلر، منئم باره‌مده هامی فئکئرلری شر اوچوندور.

6بئر یره ییغیلیرلار، گئزله‌نئرلر، قدملرئمی گودورلر، چونکی جانیمی آلماق ائسته‌یئرلر.

7گوناهلاری اوچون اونلاری جزالاندیر، خالقلاری قضبئنده ییخ، ای تاری.

8دردلرئمی سایدین، گؤزیاشلاریمی طولوغونا ییغ؛ مگر اونلار سنئن کئتابیندا یازیلی دیئل؟

9درگاهینا فریاد اتدئیئم گون، دوشمنلرئم گری قاییداجاقلار. بونو بئلئرم کی، تاری منئم طرفئمده‌دئر.

10کلامینا حمد اتدئیئم تارییا، کلامینا حمد اتدئیئم ربّه،

11تارییا توکّول ادئرم، هچ بئر شیدن قورخوم یوخدور. ائنسان منه نه اده بئلر؟

12نذئرلرئن بوینومدادیر، ای تاری؛ شوکور قوربانینی سنه تقدئم اده‌جیم،

13چونکی جانیمی اؤلومدن قورتاردین، آیاقلاریمی سوروشمکدن کی، حیاتین نوروندا، تارینین حوضوروندا یرئیئم.

← Chapter 55 Chapter 57 →