Psalms 54

azerbaijan-2013

1آدینلا منه نئجات ور، ای تاری، قووّتئنله حاقّیمی آل.

2منئم دوعامی اشئت، ای تاری؛ آغزیمین سؤزلرئنه قولاق ور.

3چونکی اجنبی‌لر ضئدّئمه قالخیبلار، ظالئملر جانیمی آختاریرلار؛ تارینی نظره آلمیرلار. سِلا

4باخ، تاری منئم کؤمه‌یئمدئر، پروردئگاریم حیاتیما دایاق اولاندیر.

5دوشمنلرئمئن اتدئیی پئسلئیی، اونلارین اؤز اوستونه دؤندَره‌جک؛ وفادارلیغیندا اونلاری محو ات.

6بوتون رغبتله سنه قوربان کسه‌جیم، سنئن آدینا، یارب، شوکور اده‌جیم، چونکی یاخشی‌دیر،

7چونکی منی هامی دارلیقلاردان قورتاریب؛ گؤزوم دوشمنلرئمئن هلاکینی گؤروب.

← Chapter 53 Chapter 55 →