Psalms 5

azerbaijan-2013

1سؤزلرئمه قولاق ور، یارب! فغانیما باخ.

2فریادیمین سسئنی اشئت، ای پادشاهیم، تاریم، چونکی سنه دوعا ادئرم.

3یارب، سحر واختی سسئمی اشئت. سسئمی سحر واختی سنه یؤنله‌دئب گؤزله‌یه‌جیم.

4سن پئسلئکدن خوشلانان تاری دیئلسن. پئسلئک سنئن یانیندا ساکئن اولا بئلمز.

5کئبئرلی ائنسانلار سنئن گؤزونون قاباغیندا دورا بئلمزلر. سن بوتون یامانلیق ادنلردن نئفرت ادرسن.

6یالان دانیشانلاری محو ادرسن. قان تؤکن و حئیله‌گر آدامدان رب ائیره‌نر.

7لاکئن من، سنئن بول سوگئنئن سایه‌سئنده، سنئن اِوئنه گله‌جیم. حؤرمتله سنئن موقدّس معبدئنئن طرفئنه سجده قیلاجاغام.

8یارب، دوشمنلرئمئن سببئندن، اؤز صالحلئیئنده منه رهبر اول. یولونو منئم قاباغیمدا دوز ات.

9چونکی اونلارین آغزیندا دوغرولوق یوخدور؛ اورَکلری هلاکلا دولودور؛ بوغازلاری آچیق قبئردئر؛ دئللری ائله حئیله دانیشیرلار.

10ای تاری، اونلاری تقصئرکار اعلان ات. قوی اله اؤز مشورتلری‌ائله ییخیلسینلار. عوصیانلارینین چوخلوغونا گؤره اونلاری آت، چونکی سنئن ضئدّئنه قالخیبلار.

11قوی سنده پناه توتانلارین هامیسی سوئنسئن؛ قوی ابدی شادلیقدان اوخوسونلار، چونکی اونلاری سن حئفظ ادئرسن. قوی سنئن آدینی‌سِوَن ائنسانلار سنده سوئنسئنلر.

12چونکی صالح آداما سن برکت ورئرسن، یارب. لوطفونله سئپر کئمی اونلاری حئفظ ادئرسن.

← Chapter 4 Chapter 6 →