Psalms 46

azerbaijan-2013

1بئزئم پناهیمیز، بئزئم گوجوموز تاری‌دیر، دارلیقلاردا کؤمک اوچون همئشه حاضیردیر.

2اونا گؤره ده قورخمایاجاغیق؛ اگر یر اوزو آلت-اوست اولسا دا، اگر داغلار دهنز دئبئنه تؤکولسه‌لر ده

3اگر اونون سولاری داشیب جوشسا دا، اگر داغلار سولارین هوجوملاری ائله تئتره‌سه‌لر ده. سِلا

4بئر چای وار کی، اونون آرخلاری تارینین شهرئنه آخیر، اوجالاردا اولانین موقدّس مسکنئنه شادلیق گتئرئر.

5تاری بو شهرئن ائچئنده‌دئر، یرئندن اصلا ترپشمز. سحر آچیلاندا تاری اونا کؤمک وِرَر.

6مئلّتلر قایناشیرلار، اؤلکه‌لر ترپشئرلر؛ تاری سسله‌نئر و یر ارئیئر.

7قوشونلارین ربّی بئزئمله‌دئر؛ یعقوبون تاریسی بئزئم قالامیزدیر. سِلا

8گلئن، ربّئن اتدئکلرئنی گؤرون؛ گؤرون یر اوزونه نجه پرئشانلیق گتئرئب!

9یرئن او باشینا قدر موحارئبه‌لری دوردورور؛ اوخ-کامانینی سیندیریر، نئزه‌نی آرادان بؤلور، دؤیوش آرابالارینی اوددا یاندیریر.

10«ساکئت دورون و بئلئن کی، تاری منم. مئلّتلر آراسیندا تاعالا اولاجاغام، یر اوزونده تاعالا اولاجاغام!»

11قوشونلارین ربّی بئزئمله‌دئر؛ یعقوبون تاریسی بئزئم قالامیزدیر. سِلا

← Chapter 45 Chapter 47 →