Psalms 42

azerbaijan-2013

1مارال آخار سولارا نجه حسرت چکر، منئم ده جانیم سنه بله حسرت چکر، ای تاریم.

2جانیم تاری اوچون، او دئری تاری اوچون سوسوزدور؛ نه زامان اونون یانینا گدئب اونونلا گؤروشوم؟

3گجه-گوندوز گؤز یاشیم چؤره‌یئم اولوب، چونکی دایانمادان منه دیئرلر: «بس هارادادیر سنئن تارین؟!»

4جانیم ائچئمده ارئیئر، او زامان کی، خاطیرلاییرام: نجه خالقین قاباغیندا یرئیئب تارینین اِوئنه گدردئم؛ شادلیق و شوکور نغمه‌سی ائله، بایرام توتموش جاماعاتلا!

5ای جانیم، نه اوچون بله بوکولوبسن؟ نه اوچون ائچئمده بله چوبالاییرسان؟ تارییا اومئد باغلا؛ من حله ده اونا حمد اوخویاجاغام؛ اونون نئجات ورن حوضورونا.

6جانیم ائچئمده بوکولوب، ای تاریم؛ او سببدن سنی اوردون دئیاریندان خاطیرلاییرام، خِرمون و مئصعار داغلاریندان.

7سنئن شلاله‌نئن سسئنه، درئنلئک درئنلئیی چاغیریر؛ بوتون شپه‌لرئن، بوتون سل‌لرئن اوستومدن کچئر.

8گوندوز رب محبّتئنی گؤرسه‌دئر، اله کی، گجه اونون نغمه‌سی منئمله اولور؛ حیاتیمین تاریسینا بئر دوعا کئمی.

9قایام اولان تارییا دیئرم: «نه اوچون منی یاددان چیخاردیبسان؟ نه اوچون دوشمنلرئمئن ظولموندن یاسلی گزئم؟»

10خصملرئم منه حقارت ادن واخت، سوموکلرئم بئربئرئندن آیریلیر؛ اونلار دایانمادان دیئرلر: «بس هارادادیر سنئن تارین؟»

11ای جانیم، نه اوچون بله بوکولوبسن؟ نه اوچون ائچئمده بله چوبالاییرسان؟ تارییا اومئد باغلا. من حله ده اونا حمد اوخویاجایام، منه نئجات ورنه، منئم تاریما.

← Chapter 41 Chapter 43 →