Psalms 40

azerbaijan-2013

1ربّه صبئرله ائنتئظار چکدئم، او منه طرف دؤنوب فریادیمی اشئتدی؛

2اؤلوم چوخوروندان، باتاقلیق پالچیقدان منی اشئیه چیخارتدی، آیاقلاریمی قایا اوستونه قویدو، قدملرئمی مؤحکم اتدی.

3او، آغزیما تزه بئر نغمه قویوب؛ تاریمیز اوچون حمدلر. چوخ آدام اونو گؤروب قورخاجاق، ربّه توکّول اده‌جک.

4خوش او آدامین حالینا کی، ربّه توکّول ادئب. تکبّورلو آداملارا، یالانا موشتاق اولان آداملارا اوز ورمه‌یئب.

5یارب تاریم، بئزئم اوچون عجئب ائشلر چوخ ادئبسن. سنئن بئزئم اوچون اولان دوشونجه‌لرئن چوخدور. سنه تای اولان یوخدور. اگر اونلاری اعلان ادئب نقل اِتسم، سایی‌یا گلمز.

6قورباندان یا دا تاخیل تقدئمئندن خوشلانمادین؛ سن یاندیرما قوربانی یا دا گوناه قوربانی ائستمه‌دئن.

7لاکئن منه آچیق قولاقلار وردئن. او زامان ددئم: «باخ! گلمئشم؛ کئتابین طوماریندا منئم حاقّیمدا یازیلیب.

8سنئن ائراده‌نی یرئنه یتئرمکدن خوشلانیرام، تاریم. سنئن شرئعتئن اوره‌یئمئن ائچئنده‌دئر.»

9بؤیوک جاماعات ائچئنده، صالحلئیئن خوش خبرئنی اعلان اتدئم. دوغرودان دا کی، دوداقلاریمی باغلامیرام، یارب، سن اؤزون بئلئرسن.

10سنئن صالحلئیئنی قلبئمئن ائچئنده گئزلی ساخلامامیشام. سنئن وفادارلیغینی، سنئن نئجاتینی اعلان اتمئشم؛ سنئن محبّتئنی، سنئن اعتئبارلی اولدوغونو بؤیوک جاماعاتدان گئزلتمه‌مئشم.

11مرحمتئنی مندن اسئرگمه، یارب؛ قوی سنئن محبّتئن، سنئن اعتئبارلی اولدوغون همئشه منی حئفظ اتسئن،

12چونکی ساییسیز پئسلئک اطرافیمی آلیب. گوناهلاریم منی اله یاخالاییب کی، گؤره بئلمئرم. گوناهلاریم باشیمین توکوندن آرتیقدیر؛ اونا گؤره ده اوره‌یئم طاقتدن دوشوب.

13یارب، منی خئلاص اتمه‌یه راضی اول. یارب، ائمدادیما تز یتئش!

14قوی جانیمی هلاک اتمک ائسته‌ینلر، هامیسی بئرلئکده اوتانسینلار، پرئشان اولسونلار؛ قوی دوشدویوم بلادان سوئننلر، گری قایتاریلیب خجالت چکسئنلر.

15قوی منه «آها، آها» دئینلر، خجالتلری اوزوندن پرئشان اولسونلار.

16قوی بوتون سنی آختارانلار، سنده سوئنئب فرحلنسئنلر. قوی سنئن نئجاتینی سونلر دائم دسئنلر: «رب بؤیوک اولسون.»

17من آنجاق فاغیرام، مؤحتاجام؛ لاکئن پروردئگاریم منئم قیدئمه قالیر. سن منئم ائمدادیم، سن منئم خئلاصکاریمسان؛ یوبانما، تاریم!

← Chapter 39 Chapter 41 →