Psalms 3

azerbaijan-2013

1یارب، دوشمنلرئم نه قدر چوخدور! ضئدّئمه قالخانلار، نه قدر چوخدور!

2منئم باره‌مده چوخ آدام دیئر: «تاریدان اونا نئجات یوخدور.» سِلا

3آمّا یارب، سن منئم قالخانیمسان، منئم عئزّتئم! باشیمی اوجالدان سنسن.

4اوجا سَسله ربّی چاغیریرام، اؤز موقدّس داغیندان منه جاواب ورئر. سِلا

5اوزانیب یاتیرام، گئنه اویانیرام، چونکی رب منی ساخلاییر.

6هر یاندان منی دؤوره‌له‌ین مئنلر نفردن ده قورخوم یوخدور!

7یارب قالخ! تاریم منه نئجات ور، چونکی هامی دوشمنلرئمئن چنه‌سئنه وورارسان، پئس آداملارین دئشلرئنی سیندیرارسان.

8نئجات ربده‌دئر؛ برکتئن خالقینین اوستونده اولسون! سِلا

← Chapter 2 Chapter 4 →