Psalms 22

azerbaijan-2013

1تاریم، تاریم، نه اوچون منی ترک ادئبسن؟ نه اوچون منه نئجات ورمکدن، نه اوچون ناله‌لرئمئن سؤزلرئندن بو قدر اوزاقداسان؟

2تاریم، گوندوز درگاهینا فغان ادئرم، آمّا جاواب ورمئرسن؛ گجه زامانیندا باغیریرام، لاکئن دئنجَلمئرم.

3آمّا سن موقدّس‌سن؛ سن، ای ائسرایئلئن حمدلرئنده تخت قوران.

4آتالاریمیز سنه توکّول اتدئلر، سنه اومئد باغلادیلار، سن اونلاری خئلاص اتدئن.

5سنئن درگاهینا باغیردیلار، نئجات تاپدیلار. سنه توکّول اتدئلر، خجالت آلتیندا قالمادیلار.

6آمّا من آدام یوخ، قوردام؛ ائنسانلار آراسیندا حقئر اولموشام، خالق آراسیندا خور اولموشام.

7منی گؤرَ‌نلرئن هامیسی منه گولورلر، دوداقلارینی بوزوب باشلارینی ترپده-ترپده دیئرلر:

8«ربّه اومئد باغلاییب، قوی رب اونو قورتارسین، قوی رب اونو خئلاص اتسئن، چونکی رب اوندان راضی‌دیر.»

9لاکئن منی آنامین قارنیندان چیخاردان سنسن، آنامین قوجاغیندا اولاندا، منه اَمئنلئک ورن سن ائدئن.

10بطندن دوغولاندان بری سنه ورئلدئم، آنامین قارنیندان بری منئم تاریم اولوبسان.

11مندن اوزاق دورما، چونکی دارلیق یاخیندیر، چونکی کؤمک ادن یوخدور.

12بئر چوخ گامیش منی دؤوره‌له‌یئب؛ باشانین گوجلو گامیشلاری منی آرایا سالیبلار.

13پارچالایان و نرئلده‌ین آصلان کئمی، اوستومه آغیزلارینی آچیرلار.

14سو کئمی تؤکولموشم؛ سوموکلرئمئن هامیسی بئربئرئندن آیریلیب، اوره‌یئم بال مومو کئمی‌دئر، سئنَمده ارئیئر.

15گوجوم صاخسی پارچاسی کئمی قورویوب، دئلئم داماغیما یاپیشیب، منی اؤلوم تورپاغینا قویوبسان.

16ائتلر منی دؤوره‌له‌دی، فاسئدلر جاماعاتی منی آرایا سالدی. اللرئمی، آیاقلاریمی دلدی.

17بوتون سوموکلرئمی سایا بئله‌رم. دوشمنلرئم باخیرلار، گؤزلرئنی منه دئکئرلر،

18پالتارلاریمی آرالاریندا بؤلوشورلر، ردام اوچون پوشک آتیرلار.

19لاکئن سن، یارب، اوزاق دورما؛ ای قووّتئم، کؤمه‌یئمه تز یتئش.

20قیلینج آغزیندان جانیمی، ائتئن پنجه‌سئندن ووجودومو قورتار.

21آصلانین آغزیندان منی خئلاص ات، چؤل اؤکوزلری منی بوینوزلایارکن منه جاواب ور.

22سنئن آدینی قارداشلاریما اعلان اده‌جیم، جاماعات آراسیندا سنه حمد اده‌جیم.

23ای ربّه حؤرمت ادنلر، ربّه حمد ادئن! ای بوتون یعقوب نسلی، ربّی اوجالدین! ای بوتون ائسرایئل نسلی، ربّه حؤرمت گؤرسدئن!

24چونکی او، فاغیر آدامین قمئنی تحقئر اتمه‌یئب؛ اوزونو اوندان گئزلتمه‌یئبدئر. اونو کؤمه‌یه چاغیران زامان او، اشئتدی.

25بؤیوک جاماعات آراسیندا حمدئم سنه اولاجاق. اونا حؤرمت ادنلرئن یانیندا نذئرلرئمی تقدئم اده‌جیم.

26فاغیر آداملار ییئب دویاجاقلار؛ اونو آختارانلار ربّه حمد اده‌جکلر. قوی اوره‌یئنئز ابده کئمی یاشاسین!

27دونیانین بوتون نهایتلری ربّی خاطیرلاییب اونا دؤنه‌جک؛ مئلّتلرئن بوتون طایفالاری سنئن حوضوروندا پرستئش اده‌جکلر.

28چونکی پادشاهلیق ربّئن‌دئر، او، مئلّتلره حؤکمرانلیق ادئر.

29دونیانین هامی بختورلری یئیه‌جکلر، پرستئش اده‌جکلر. تورپاغا اِنَنلرئن هامیسی اونون حوضوروندا دئز چؤکه‌جکلر؛ اونلار کی، حتّا اؤزلرئنی بله، دئری ساخلایا بئلمئرلر.

30اؤولادلاری اونا قوللوق اده‌جک؛ پروردئگار حاقّیندا گلن نسله ده نقل اولاجاق.

31اونون صداقتئنی سونرا دوغولان خالقا دا خبر وره‌جکلر. خبر وره‌جکلر کی، بونو ادن ربدئر.

← Chapter 21 Chapter 23 →