Psalms 139

azerbaijan-2013

1یارب، منی ائمتئحانا چکئبسن و تانی‌ییبسان.

2نه زامان اوتوردوغومو، نه زامان قالخدیغیمی بئلئرسن: فئکرئمی اوزاقدان آنلاییرسان.

3یولومو و یاتدیغیم یری گؤز آلتینا آلیرسان، منئم بوتون یوللاریمدان خبرئن وار.

4دئلئمه بئر سؤز گلمه‌مئش، باخ، یارب، سن اونون هامیسینی بئلئرسن.

5آرخادان و قاباقدان منی آرایا سالیب الئنی اوستومه قویوبسان.

6بو معلومات منئم اوچون چوخ عجایئبدئر؛ او قدر یوخاری کی، اونا چاتا بئلمئرم.

7سنئن روحوندان هارایا گده بئله‌رم؟ سنئن حوضوروندان هارایا قاچا بئله‌رم؟

8گؤیلره چیخسام، اوراداسان. دؤشه‌یئمی اؤلولر دئیاریندا سالسام، اوراداسان.

9اگر سحرئن قانادلاری ائله اوچوب گدم، دهنزئن او بئری باشیندا منزئل ادم،

10اورادا دا سنئن الئن منه یول گؤرسه‌در، صاغ الئن منی توتار.

11دِسَم: «قوی قارانلیق منی اؤرتسون، قوی اطرافیمداکی ائشیق گجه‌یه دؤنسون»،

12یقئن کی، قارانلیق دا سنئن اوچون قارانلیق دیئل، گجه ده گون کئمی ائشیقلانار، سنئن اوچون قارانلیق و ائشیق بئردئر.

13بؤیره‌کلرئمی سن یارادیبسان، آنامین بطنئنده سن منی توخویوبسان.

14سنه شوکور ادئرم، چونکی هیبتلی و عجایئب بئر تَحَر یارانمیشام! سنئن ائشلرئن قرئبه‌دئر؛ جانیم بونو یاخشی بئلئر.

15گئزلی یرده یارادیلدیغیم زامان، دونیانین درئن یرلرئنده قورولدوغوم زامان، بدنئم سندن گئزلی دیئلدی.

16جنئن ائکن گؤزلرئن منی گؤردو؛ منئم اوچون تعیئن اولونان گونلرئن هامیسی، داها اونلاردان هچ بئری یوخ ائکن، سنئن کئتابیندا یازیلمیشدی.

17فئکئرلرئن منئم اوچون نه دیرلی‌دئر، ای تاری! ساییلاری نه قدر چوخدور!

18اگر اونلاری سایسام، قوم دنه‌لرئندن چوخ اولاجاق؛ اویاندیغیم زامان حله ده سنئن یانیندایام.

19کاشکی پئس آدامی اؤلدورسَیدئن، ای تاری! سئز، ای قاتئل‌لر، مندن اوزاق دورون!

20چونکی سنئن حاقّیندا کوفر دانیشیرلار، سنئن آدینین ضئدّئنه پئس سؤزلر دیئرلر.

21یارب، سندن نئفرت ادنلردن مگر نئفرت اتمئرم؟! سنئن ضئدّئنه قالخانلاردان مگر ائیر‌نمئرم؟!

22بوتون نئفرتئمله اونلاردان نئفرت ادئرم: اونلاری اؤزوم اوچون دوشمن ساییرام.

23منی تفتئش ات، ای تاری، اوره‌یئمی بئل. منی ائمتئحانا چک و فئکئرلرئمی بئل.

24باخ گؤر آیا قلبئمده پئسلئیه یول ورئرم؟ ابدی یولدا منه رهبر اول.

← Chapter 138 Chapter 140 →