Psalms 127

azerbaijan-2013

1اگر اِوی رب بئنا اتمه‌سه، بنّالارین زحمتی عبثدئر. اگر شهری رب قوروماسا، قوروقچونون اویاق قالماسی عبثدئر.

2سئزئن اوچون عبثدئر کی، سحر ارکن قالخاسینیز، گج یوخویا گده‌سئنئز، زحمتله قازاندیغینیز چؤره‌یی یئیه‌سئنئز، چونکی رب، اؤز سودئکلرئنه یوخو ورئر.

3باخ، اؤولاد ربدن گلن مئراثدیر، بطنئن ثمره‌سی اونون انعامی‌دیر.

4جنگاورئن الئنده اوخلار نجه‌دئر، جاوانلیق اؤولادی دا بله‌دئر.

5خوش او آدامین حالینا کی، اوخلوغو اونلاردان دولودور؛ دروازا یانیندا دوشمنلری ائله موباحئثه ادن واخت، خجالت آلتیندا قالمایاجاقلار.

← Chapter 126 Chapter 128 →