Psalms 12

azerbaijan-2013

1یارب، نئجات ور، چونکی موتّقی آدام آرتیق قالماییب؛ وفالی آداملار ائنسانلار آراسیندان یوخ اولوبلار.

2هرکس بئربئرئنه یالان دیئر؛ آلداتان دوداقلاری حئیله ائله دانیشیر.

3رب کسسئن بوتون آلداتان دوداقلاری! تکبّورله دانیشان دئلی!

4دیئرلر: «دئلئمئزله ظفر تاپاجاغیق؛ دوداقلاریمیز اولان حالدا، کئم بئزه آغا اولا بئلر؟!»

5رب بویورور: «فاغیر آداملارا ادئلن ظولم اوزوندن، مؤحتاج آداملارین ناله‌سئندن اؤتری، ائندی قالخاجاغام. خئلاص آرزوسوندا اولانلارا خئلاص وره‌جیم.»

6ربّئن سؤزلری پاک سؤزلردئر؛ تصفئیه اوچون کوره‌ده یدّی دفه ارئنمئش گوموش کئمی.

7اونلاری سن ساخلایاجاقسان، یارب، اونلاری ابده کئمی بو نسئلدن سن حئفظ اده‌جکسن.

8آداملار آراسیندا رذئل‌لئک چوخالاندا، پئس آدام هر یرده گَزَر.

← Chapter 11 Chapter 13 →