Psalms 115

azerbaijan-2013

1بئزئم اوچون یوخ، یارب، بئزئم اوچون یوخ، اؤز محبّتئن اوچون، اؤز حقئقتئن اوچون آدینا عئزّت ور.

2نه اوچون مئلّتلر دسئنلر: «هانی، هارادادیر اونلارین تاریسی؟»

3بئزئم تاریمیز گؤیلرده‌دئر؛ ائسته‌دئیی هر شیی اِدَر.

4اونلارین بوتلری گوموش و قیزیلدیر، ائنسان اللرئنئن ائشی‌دئر.

5آغیزلاری وار، لاکئن دانیشمیرلار؛ گؤزلری وار، لاکئن گؤرمورلر؛

6قولاقلاری وار، لاکئن اشئتمئرلر؛ بورونلاری وار، لاکئن ائیله‌مئرلر؛

7اللری وار، لاکئن ال سورتمورلر؛ آیاقلاری وار، لاکئن یرئمئرلر؛ بوغازلاری ائله ده سس ورمئرلر.

8اونلاری قاییرانلار اونلار کئمی اولارلار؛ اِله‌جه ده اونلارا توکّول ادن هرکس.

9ای ائسرایئل، ربّه توکّول ات! اونون کؤمه‌یی، اونون قالخانی اودور.

10ای هارون اِوی، ربّه توکّول ات! اونون کؤمه‌یی، اونون قالخانی اودور.

11ای ربدن قورخانلار، ربّه توکّول ادئن! اونلارین کؤمه‌یی، اونلارین قالخانی اودور.

12رب بئزی یادا سالیب؛ او بئزه برکت وره‌جک، ائسرایئل اِوئنه برکت وره‌جک، هارون اِوئنه برکت وره‌جک.

13رب اوندان قورخانلارین کئچئکدن بؤیوکونه قدر برکت وره‌جکدئر.

14رب سئزی، سئزی و اؤولادلارینیزی چوخالتسین.

15گؤی و یری یارادان رب سئزه برکت ورسئن.

16گؤیلر ربّئن گؤیلری‌دئر؛ لاکئن یر اوزونو او، ائنسان اؤولادینا ورئب،

17اؤلولر، سوکوت دئیارینا اِنَنلر ربّه حمد اتمئرلر.

18لاکئن بئز، ائندئدن ابده کئمی ربّه حمد اوخویاجاغیق. ربّه حمد ادئن!

← Chapter 114 Chapter 116 →