Psalms 106

azerbaijan-2013

1ربّه حمد ادئن! ربّه شوکور ادئن، چونکی او یاخشی‌دیر؛ چونکی محبّتی ابدی‌دئر.

2ربّئن قودرتلی ائشلرئنی کئم آنلادا بئلر، یا دا اونون بوتون حمدئنی کئم اعلان اده بئلر؟!

3خوش او آداملارین حالینا کی، عدالتی ساخلاییرلار، همئشه دوروست اولانی یرئنه یتئرئرلر.

4یارب، خالقینا لوطفونو گؤرستدئیئن زامان، منی یادا سال. اونلاری قورتاران زامان منه کؤمک ات کی،

5سچدئکلرئنئن خوشبختلئیئنی گؤروم، مئلّتئنئن شادلیغیندا سوئنئم، سنئن مئراثیندا فخر ادئم.

6هم بئز و هم آتالاریمیز گوناه اتمئشئک؛ خاطایا باتمیشیق، شرارت اتمئشئک.

7آتالاریمیز مئصئرده اولان واخت، سنئن عجایئب ائشلرئنی آنلامادیلار، سنئن محبّتئنئن چوخلوغونو خاطیرلامادیلار، دهنزئن یانیندا، قیزیل دهنزئن یانیندا عوصیان اتدئلر.

8لاکئن رب، اؤز آدینین خاطئری اوچون، اونلارا نئجات وردی کی، اؤز جبروتونو بئلدئرسئن.

9قیزیل دهنزه آجیقلاندی و دهنز قورودو. اونلاری دهنزئن دئبئندن اله آپاردی کی، دئیه‌سن اونلاری کؤشنده آپاریر.

10بله‌جه رب، اونلاری خصم الئندن قورتاردی، دوشمن الئندن اونلاری آزاد اتدی.

11خصملری سولار اؤرتدو؛ اونلاردان بئری ده قالمادی.

12او واخت اونون سؤزلرئنه ائناندیلار؛ اونون حمدئنی اوخودولار.

13آمّا چوخ چکمه‌دی کی، اونون ائشلرئنی یاددان چیخارتدیلار؛ اونون مصلحتئنی گؤزلمه‌دئلر،

14چؤلده، حددن آرتیق، هوسلری دالینجا اولدولار، صحرادا تارینی ائمتاحانا چکدئلر.

15ائسته‌دئکلرئنی اونلارا وردی، لاکئن جانلارینا آریقلیق سالدی.

16اونلار اوردوگاهدا موسایا، ربّئن موقدّسی هارونا پاخیلّیق اتدئلر.

17یر آچیلیب داتانی اوددو، ابئرامین جاماعاتینی اؤرتدو.

18آرالارینا اود دا دوشوب، شر آداملاری آلوو یاندیردی.

19خورِبده دانا هیکلی دوزَلدئب تؤکمه بئر تئمثالا عئبادت اتدئلر.

20تارینین شؤوکتئنی، اوت یئین اؤکوزون صورتی ائله دیئشدئردئلر.

21خئلاصکارلاری تارینی یاددان چیخارتدیلار، مئصئرده اونلارا بؤیوک ائشلر گؤره‌نی؛

22خام اؤلکه‌سئنده عجایئب ائشلرئنی، قیزیل دهنزئنده هیبتلی عمللرئنی.

23بونون اوچون، ددئیی کئمی، اونلاری هلاک اده‌جک ائدی - اگر سچدئیی موسا آرادا دوروب، قضبئنی اونلاری محو اتمکدن دؤندَ‌رمه‌سَیدی.

24سونرا او گؤزل دئیاری حقئر گؤردولر، اونون وعده‌سئنه ائنانمادیلار.

25چادیرلاریندا میریلداندیلار، ربّئن سسئندن ائطاعت اتمه‌دئلر.

26اونا گؤره ده، الئنی قالدیریب اونلارا آند ائچدی کی، چؤلده اونلاری یره ییخاجاق،

27نسئللرئنی مئلّتلر آراسینا سالیب یر اوزونده داغیداجاق.

28سونرا اؤزلرئنی بَعَل‌پِعورا باغلادیلار، اؤلولره تقدئم اولموش قوربانلاری یدئلر.

29عمل‌لری ائله تارینین قضبئنی قالدیردیلار، اوندا آرالارینا وبا دوشدو.

30لاکئن پئنِخاس قالخیب آرایا گئردی، وبا کسئلدی؛

31بو اونا، نسئلدن نسله‌جک، ابده کئمی صالحلئک ساییلدی.

32مِرئبا سولارین قیراغیندا ربّی قضبلندئردئلر، اونلارین اوزوندن موسا عذاب چکدی.

33چونکی موسانین روحونو ائنجئتدئلر، او دا تدبئرسئز سؤزلر دانیشدی.

34ربّئن اونلارا امر اتدئیی کئمی خالقلاری هلاک اتمه‌دئلر،

35عکسئنه، آیری مئلّتلرله قاریشدیلار، اونلارین اتدئکلرئنی اؤیرندئلر.

36اونلارین بوتلرئنه قوللوق اتدئلر کی، اونلارا بئر تله اولدو.

37اوغوللارینی، قیزلارینی جئنلره قوربان اتدئلر؛

38معصوم قانلاری تؤکدولر، اوغوللارینین و قیزلارینین قانینی کی، کَنَعانین بوتلرئنه قوربان کسدئلر؛ اؤلکه اونلارین قانی ائله کئرلندی.

39بله‌جه ائشلری ائله نجئس اولدولار، اؤز عمللری ائله زئنا اتدئلر.

40او زامان ربّئن قضبی خالقینین ضئدّئنه قالخدی، اؤز مئراثیندان نئفرت اتدی.

41اونلاری مئلّتلر الئنه بوراخدی، اله کی، اونلاردان نئفرت ادنلر، اونلارا حؤکمرانلیق اتدئلر.

42دوشمنلری اونلاری سئتم آلتینا سالدیلار، اونلارین اَلی آلتیندا ذلئل اولدولار.

43رب اونلاری چوخ دفه قورتاردی، آمّا اونلار اؤز مصلحتلری ائله اونا عاصی اولدولار، گوناهلاری اوزوندن ذئلّته دوشدولر.

44لاکئن رب اونلارین فریادینی اشئتدی، باخیب گؤردو کی، دارلیقدادیرلار؛

45اونلار اوچون باغلادیغی عهدئنی خاطیرلاییب، محبّتئنئن چوخلوغونا گؤره اونلارا رحم اتدی.

46اله اتدی کی، اونلاری اسئر آپارانلارین هامیسینین اونلارا رحمی گلدی.

47بئزه نئجات ور، یارب، تاریمیز، بئزی مئلّتلر آراسیندان بئر یره ییغ کی، سنئن موقدّس آدینا شوکورلر ادک، سنئن حمدئنده پرستئش ادک.

48ائسرایئلئن تاریسی رب موبارک اولسون، ازلدن ابده کئمی. بوتون خالق دسئن: «آمئن.» ربّه حمد ادئن!

← Chapter 105 Chapter 107 →