Proverbs 10

azerbaijan-2013

1سولیمانین مثل‌لری: حئکمتلی اوغول آتاسینی سوئندئرر، لاکئن آخماق اوغول آناسینا درددئر.

2شر یوللا ییغیلان خزئنه‌نئن فایداسی یوخدور، لاکئن صالحلئک ائنسانی اؤلومدن قورتارار.

3رب صالح ائنسانی آج قویماز، آمّا پئس آداملارین آرزولارینی ردّ ادر.

4تنبل ال‌له ائشله‌ین یوخسول اولار، آمّا چالیشقان آدامین الی اونا ثروت قازانار.

5عاغیلّی اوغول یایدا بئچئنی ییغار، بئچئن واختی یاتان اوغول خجالت گتئرر.

6صالح ائنسانین باشیندان برکت یاغار، شر آدامین دئلی زوراکیلیغی اؤرتوب گئزله‌در.

7صالح ائنساندان قالان یادئگار برکتدئر، لاکئن شر آدامین آدی چورویه‌جک.

8اوره‌یی حئکمتلی اولان آدام امرلری قبول ادر، آمّا سفه-سفه دانیشان آدام ییخیلار.

9کاماللا گزن آدام امئن-آمانلیقدا گزر، لاکئن یوللاریندا اَیری اولان آدام اوزه چیخار.

10گؤز ووران آدام باشینا بلا آچار، سفه-سفه دانیشان آدام ییخیلار.

11صالح ائنسانین آغزی حیات بولاغی‌دیر، آمّا شر آدامین دئلی زوراکیلیغی اؤرتوب گئزله‌در.

12نئفرت داعوالار قالدیرار، لاکئن محبّت بوتون خاطالاری اؤرتر.

13فهئم آدامین دوداقلاریندا حئکمت تاپیلار، آمّا دینک عاغیلسیز آدامین کوره‌یی اوچوندور.

14حئکمتلی آداملار معرئفت ییغار، لاکئن سفهئن آغزی اونو ییخیلماغا یاخینلاشدیرار.

15مال-دؤولت وارلی آدامین قالالی شهری‌دئر، آمّا یوخسوللوق کاسیب آدامی ییخار.

16صالح آدامین پاداشی حیاتدیر، لاکئن شر آدامین قازانجی گوناهدیر.

17تربئیه‌نی قبول ادن آدام حیات طرئقئنده‌دئر، آمّا تأدئبی بوراخان آدام یولونو آزار.

18نئفرتی گئزله‌دن آدامین یالانچی دوداقلاری وار، بؤهتانی یایان آدام آخماق‌دیر.

19سؤزلرئن چوخلوغوندا خاطا اسکئک اولماز، دئلئنئن قاباغینی آلان آدام عاغیلّی‌دیر.

20صالح آدامین دئلی سچمه گوموشدور؛ شر آدامین اوره‌یئنئن دَیَری آزدیر.

21صالح ائنسانین دوداقلاری چوخ آداملاری دویورار، آمّا سفه‌لر عاغیلسیزلیقدان اؤلرلر.

22ربّئن برکتی ائنسانا ثروت گتئرر، اونونلا قوصّه آرتیرماز.

23شر ائش گؤرمک آخماق آداما کِفدئر، فراستلی اولان آدامین حئکمتی وار.

24شر آدامین قورخدوغو اونون اؤز باشینا گلر، آمّا صالح آدام مورادینا چاتار.

25فیرلانان یل اسئب گلنده، شر آدامی سوپوروب آپارار، لاکئن صالح آدامین ابدی بونؤوره‌سی وار.

26سئرکه دئشلره، توستو گؤزلره نجه‌دئر، تنبل آدام دا اونو گؤنده‌رَنلر اوچون اله‌دئر.

27ربدن قورخماق عؤمور اوزادار، آمّا شر آداملارین عؤمور ائل‌لری آزالار.

28صالح ائنسانلارین گؤزله‌دئیی شادلیقدیر، لاکئن شر آدامین اومئدی آرادان گدر.

29کامئل ائنسانین پناهی ربّئن یولودور، آمّا شر قوران ائنسانلارین باشینا هلاکت گلر.

30صالح آدام اصلا ترپنمز، لاکئن شر آداملار اؤلکه‌ده قالمازلار.

31صالح ائنسانین آغزی حئکمتله چئچکله‌نَر، آمّا ترسه دانیشان دئل کسئلَر.

32صالح آدامین دوداقلاری راضی سالماغی باجارار، لاکئن شر آدامین آغزیندان ترسه سؤزلر چیخار.

← Chapter 9 Chapter 11 →