Numbers 36

azerbaijan-2013

1یوسئف اؤولادلارینین نسئل‌لرئندن مِنَسّه اوغلو ماکئر اوغلو گئلعاد اؤولادلارینین عایئله باشچیلاری یاخینلاشیب، موسانین قاباغیندا و ائسرایئل طایفالارینین باشچیلاری اولان رهبرلرئن قاباغیندا دانیشیب،

2بله ددئلر: «رب آغامیزا امر اتدی کی، اؤلکه‌نی ائسرایئل اؤولادلارینا پوشکله ائرث اولاراق ورئن. رب طرفئندن آغامیزا امر اولوندو کی، قارداشیمیز صِلوفخادین ائرثئنی اونون قیزلارینا ورسئن.

3اگر صِلوفخادین قیزلاری آیری بئر ائسرایئل قبئله‌سئنئن کئشئلرئنه اَره گتسه‌لر، اونلارین ائرثی بئزئم آتالاریمیزین ائرثئندن گؤتورولوب، اَرلرئنئن قبئله ائرثئنه قاتیلاجاق. بله‌جه، پوشکله بئزه دوشَن پای آزالاجاق.

4ائسرایئل اؤولادلارینین آزادلیق ائلی گلنده، قیزلارین ائرثی اَرلرئنئن قبئله ائرثئنه علاوه اولوناجاق. بله‌جه، قیزلارین ائرثی آتالاریمیزین قبئله‌سئنه دوشَن ائرثدن دوشه‌جک.»

5موسا ربّئن امرئنه گؤره ائسرایئل اؤولادلارینا امر ادئب ددی: «یوسئف اؤولادلارینین قبئله‌سی دوز دیئر.

6صِلوفخادین قیزلاری حاقّیندا ربّئن امر ادئب ددئیی سؤز بودور: ”اونلار اؤز ائسته‌دئکلری کئشئیه اَره گده بئلرلر، آنجاق آتالارینین منصوب اولدوغو قبئله‌دن اولان آداما کی، نسئل ائچئنده‌دئر، اَره گتمه‌لی‌دئرلر.

7بله‌جه ائسرایئل اؤولادلارینین ائرثی، قبئله‌دن قبئله‌یه کچمز. چونکی ائسرایئل اؤولادلارینین هر بئری آتالاری قبئله‌سئنئن ائرثئنه باغلی قالمالی‌دیر.

8ائسرایئل قبئله‌لرئندن هر هانسی بئرئنده ائرثه مالئک اولان هر قیز، آتاسینین منصوب اولدوغو قبئله‌دن و نسئلدن اَره گتمه‌لی‌دئر کی، هر بئر ائسرایئل اؤولادی آتالارینین ائرثئنه مالئک اولسون.

9بله‌جه هچ بئر ائرث بئر قبئله‌دن آیری قبئله‌یه کچمز. چونکی هر بئر ائسرایئل قبئله‌سی اؤز ائرثئنه باغلی قالمالی‌دیر.“»

10نجه کی، رب موسایا امر اتمئشدی، صِلوفخادین قیزلاری دا اِله اتدئلر.

11صِلوفخادین قیزلاری مَخلا، تئرصا، خوگلا، مئلکا، و نوعا، عَمئسی اوغلانلارینا اَره گتدئلر.

12اونلار یوسئف اوغلو مِنَسّه اؤولادلارینین نسئللرئنه منصوب کئشئلره اَره گتدئلر. اونا گؤره ده ائرثی آتالارینین منصوب اولدوغو قبئله و نسئل ائچئنده قالدی.

13بونلار ربّئن ائسرایئل اؤولادلارینا وردئیی امرلر و حؤکملردئر کی، اونلاری موسا واسئطه‌سی‌ائله اوردون چایینین یانیندا، اَرئحانین موقابئلئنده‌کی موآب اووالاریندا وردی.