Numbers 27

azerbaijan-2013

1مِنَسّه اوغلو ماکئر اوغلو گئلعاد اوغلو خِفِر اوغلو صِلوفخادین قیزلاری کی، یوسئف اوغلو مِنَسّه‌نئن نسئل‌لرئنه منصوب ائدئلر، ائره‌لی گلدئلر؛ قیزلارینین آدلاری بله‌دئر: مَخلا، نوعا، خوگلا، مئلکا و تئرصا.

2اونلار حوضور چادیرینین گئرئشئنده موسانین، کاهئن اِلعازارین و رهبرلرله بوتون جاماعاتین قاباغیندا دوروب ددئلر:

3«آتامیز صحرادا اؤلدو، لاکئن او آداملارین آراسیندا کی، قورَخئن طرفئنی توتوب ربّه عوصیان اتمئشدئلر، دیئلدی. او اؤز گوناهینا گؤره اؤلدو و اوغلو اولمادی.

4اوغلو اولمادیغینا گؤره نه اوچون اونون آدی اؤز نسلی آراسیندان سئلئنمه‌لی‌دئر؟ آتامیزین قارداشلاری آراسیندا بئزه بئر مولک ورئن.»

5موسا اونلارین ائشئنی ربّئن حوضورونا گتئردی.

6رب موسا ائله دانیشیب اونا ددی:

7«صِلوفخادین قیزلاری دوغرو دیئرلر. گرک اونلارا آتالارینین قارداشلاری آراسیندا مولک وره‌سن و آتالارینین مئراثینی اونلارا کچئرده‌سن.

8ائسرایئل اؤولادلارینا دِه کی، اگر بئر آدام اؤلسه و اوندان اوغول قالماسا، او زامان مئراثینی اونون قیزینا کچئردئن.

9اگر اونون قیزی یوخدور، اوندا مئراثینی اونون قارداشلارینا ورئن.

10اگر قارداشلاری یوخدور، اوندا مئراثینی عَمی‌لرئنه ورئن.

11اگر عَمی‌لری یوخدور، او زامان مئراثینی نسلئندن اونا لاپ یاخین اولان قوحومونا ورئن کی، مولک اونون اولسون. بو، ربّئن موسایا امر اتدئیی کئمی ائسرایئل اؤولادلارینا قایدا و حؤکم اولسون.»

12سونرا رب موسایا ددی: «بو عَبارئم داغینا چیخ و ائسرایئل اوغوللارینا وردئیئم اؤلکه‌نی گؤر.

13اونو گؤردوکدن سونرا سن ده خالقینا قوشولاجاقسان، نجه کی، قارداشین هارون قوشولدو.

14چونکی سئن چؤلونده جاماعاتین داعواسیندا منئم امرئمدن چیخدین و سویا گؤره اونلارین گؤزلری قاباغیندا منئم موقدّسلئیئمه موطابئق رفتار اتمه‌دئن.» (بونلار سئن چؤلونده قِدِشده اولان مِرئبا سولاری‌دیر.)

15موسا ربله دانیشیب اونا ددی:

16«یالواریرام کی، رب، بوتون بشر روحلارینین تاریسی، جاماعات اوستونه بئر آدام نصب اتسئن.

17او کئشی جاماعاتین قاباغیندا چیخیب-گئرسئن، اونلارا هادی اولوب اونلاری آپاریب-گتئرسئن. قوی ربّئن جاماعاتی چوبانسیز سورو کئمی اولماسین.»

18اوندا رب موسایا ددی: «نون اوغلو یوشَعی کی، ائچئنده منئم روحوم وار، گؤتور و الئنی اونون اوستونه قوی.

19اونو کاهئن اِلعازار و بوتون جاماعات قاباغیندا دایاندیر و اونلارین گؤزلری قاباغیندا اونو منصوب ات.

20اؤز ائقتئداریندان بئر آزینی اونا ور کی، بوتون ائسرایئل جاماعاتی اوندان ائطاعت اتسئن.

21بوندان علاوه، او کاهئن اِلعازارین حوضوروندا دورمالی، اِلعازار دا اورئم واسئطه‌سی‌ائله رَبدن سوروشمالی‌دیر. اونون امری ائله هم او، هم ده اونونلا اولان ائسرایئل اوغوللاری، حتّا بوتون جاماعات دا چیخیب گئرمه‌لی‌دئر.»

22موسا ربّئن اونا امر اتدئیی کئمی اتدی؛ یوشَعی گؤتوروب، کاهئن اِلعازارین و بوتون جاماعاتین قاباغیندا دایاندیردی.

23سونرا اللرئنی اونون اوستونه قویوب اونو منصوب اتدی، نجه کی، رب موسانین واسئطه‌سی‌ائله دمئشدی.

← Chapter 26 Chapter 28 →