Numbers 25

azerbaijan-2013

1ائسرایئل خالقی شئتّئمده یاشایارکَن، کئشئلری موآب قیزلاری ائله زئنا اتمه‌یه باشلادیلار.

2بو آروادلار آللاهلارینا قوربان کسنده، ائسرایئل خالقینی دا دعوت ادئردئلر. ائسرایئل خالقی یمک یدی و اونلارین آللاهلارینا سجده اتدی.

3ائسرایئل اؤولادلاری پِعورداکی بَعَل بوتونه قوشولدولار و ربّئن قضبی ائسرایئللی‌لرئن اوستونه آلوولاندی.

4رب موسایا ددی: «خالقین بوتون باشچیلارینی گؤتور و گوندوز ربّئن قاباغیندا دار آغاجیندان آسدیر. بله‌جه، قوی ربّئن قضبی ائسرایئلدن دؤنسون.»

5بونا گؤره موسا ائسرایئلئن قاضی‌لارینا ددی: «هر بئرئنئز اؤز آداملارینیز آراسیندا پِعورداکی بَعَله قوشولانلاری اؤلدورون.»

6و باخ، بو آن ائسرایئل اؤولادلاریندان اولان بئر نفر گلدی، موسانین و حوضور چادیرینین گئرئشئنده آغلاشان بوتون ائسرایئل جاماعاتینین گؤزو قاباغیندا قوحوملارینا مئدیانلی بئر آرواد گتئردی.

7کاهئن هارون اوغلو اِلعازار اوغلو پئنِخاس بونو گؤردوکده جاماعاتین آراسیندان قالخدی و الئنه بئر نئزه گؤتوردو.

8ائسرایئل‌لی کئشئنئن دالینجا چادیرین ائچئنه گئردی، نئزه‌نی ائسرایئل‌لی کئشئنئن و آروادینین قارنینا سوخدو. بله‌جه، ائسرایئل اؤولادلارینی قیران وبا دایاندی.

9وبادان اؤلَنلر ائیئرمی دؤرد مئن نفر ائدی.

10رب موسا ائله دانیشیب اونا ددی:

11«کاهئن هارون اوغلو اِلعازار اوغلو پئنِخاس منئم قضبئمی ائسرایئل اؤولادلاریندان دؤندَردی، چونکی آرالاریندا فقط او، منئم قیرتئمی چکدی. بله‌جه، من اؤز قیرتئمده ائسرایئل اؤولادلارینی محو اتمه‌دئم.

12بونا گؤره دِه: ”باخ، من اونونلا باریش عهدئمی باغلاییرام.

13بو اونون اوچون و اوندان سونرا گلن نسلی اوچون ابدی کاهئنلئک عهدی اولاجاق. چونکی تاریسینین قیرتئنی چکئب، ائسرایئل اؤولادلاری اوچون کفّاره اتدی.“»

14مئدیانلی آروادلا بئرلئکده اؤلدورولَن ائسرایئل‌لی کئشئنئن آدی سالو اوغلو زئمری ائدی. او، شَمعونلولارین آراسیندا بئر طایفا رهبری ائدی.

15اؤلدورولَن مئدیانلی آروادین آدی صور قیزی کوزبی ائدی. صور مئدیاندا بئر طایفا باشچیسی ائدی.

16سونرا رب موسا ائله دانیشیب ددی:

17«مئدیانلی‌لاری دوشمن حساب ات و اونلاری قیر.

18چونکی اونلار حئیله‌لری ائله سئزه دوشمنچئلئک اتدئلر و اونلارلا سئزی پِعوردا مئدیانلی باشچی قیزی کوزبی مَسَله‌سئنده آلداتدیلار. او مَسَله‌‌ده کی، باجیلاری پِعوردا باش ورن وبا گونونده اؤلدورولدو.»

← Chapter 24 Chapter 26 →