Job 42

azerbaijan-2013

1او زامان اَیّوب ربّه جاواب ورئب ددی:

2«بئلئرم، سن هر شیه قادئرسن، قصد اتدئکلرئنه مانع اولماق اولماز.

3سوروشدون: ”بو کئمدئر کی، معرئفتسئز سؤزلرله مشورتی قارالدیر؟“ دوغرودان دا کی، آنلامادیغیم شیلردن، آغلیما سیغمایان عجایئبلردن دانیشدیم.

4بویوردون: ”ائندی قولاق آس، دانیشاجاغام؛ سندن سوروشاجاغام، سن ده منه جاواب وره‌جکسن.“

5سنئن حاقّیندا قولاقلاریملا اشئتمئشدئم، آمّا ائندی گؤزلرئم سنی گؤروب.

6اونا گؤره اؤزومدن زَهلَم گدئر، تورپاقدا، کولون ائچئنده تؤوبه ادئرم.»

7رب اَیّوبا بو سؤزلری دئیَندن سونرا، تِیمانلی اِلئفَزه ددی: «قضبئم سنئن ضئدّئنه و ائکی دوستلارینین ضئدّئنه آلوولانیب. چونکی سئز قولوم اَیّوب کئمی منئم حاقّیمدا دوغرو اولانی دِمه‌دئنئز.

8ائندی اؤزونوز اوچون یدّی گامیش و یدّی قوچ آلیب قولوم اَیّوبون یانینا گدئن و اؤزونوز اوچون یاندیرما قوربانینی تقدئم ادئن. قولوم اَیّوب سئزئن اوچون دوعا اتسئن. من ده اونون دوعاسینی قبول ادئب، سئزئنله آخماقلیغینیزا گؤره رفتار اتمه‌رم؛ چونکی سئز قولوم اَیّوب کئمی منئم حاقّیمدا دوغرو اولانی دِمه‌دئنئز.»

9بله‌جه تِیمانلی اِلئفَز، شواَخلی بئلدَد و نَعَماتلی صوفَر گدئب ربّئن اونلارا ددئکلرئنی یرئنه یتئردئلر؛ و رب اَیّوبون دوعاسینی قبول اتدی.

10اَیّوب دوستلاری اوچون دوعا ادندن سونرا، رب اوندان آلیندیقلارینی اونا گری قایتاردی؛ رب اَیّوبا بوتون قاباکی مالیندان ائکی قات آرتیق مال- دؤولت وردی.

11اَیّوبون بوتون قارداشلاری و باجیلاری و بوتون اَوّلکی آشنالاری اونون یانینا گلئب اِوئنده اونونلا چؤرک یدئلر و اونون دردئنه شرئک اولدولار و ربّئن اونون باشینا گتئردئیی بوتون بلالاردان اؤتری اونا تسلّی وردئلر. هر بئری اونا بئر پارچا گوموش و بئر قیزیل حالقا وردی.

12رب اَیّوبون آخیر گونلرئنی اَوّلکی گونلرئندن داها چوخ برکتلی اتدی؛ اونون ۱۴۰۰۰ قویونو، ۶۰۰۰ دَوه‌سی، ۱۰۰۰ جوت اؤکوزو، و ۱۰۰۰ دئشی اِششه‌یی وار ائدی.

13اَیّوبون یدّی اوغلو، اوچ قیزی اولدو.

14بئرئنجئسئنئن آدینی «یِمئما»، ائکئنجئسئنئن آدینی «قِصئعا»، اوچونجوسونون آدینی دا «قِرِن‌هَپّوک» قویدو.

15بوتون اؤلکه‌ده اَیّوبون قیزلاری کئمی گؤزل آرواد هچ یوخ ائدی. آتالاری دا اونلارا قارداشلاری آراسیندا مئراث وردی.

16بوندان سونرا اَیّوب ۱۴۰ ائل یاشادی و اؤولادلارینی و دؤرد نسئل اؤولادلارینی گؤردو.

17اَیّوب قوجالیب عؤموردن دویموش اؤلدو.