Job 20

azerbaijan-2013

1او زامان نَعَماتلی صوفَر جاواب ورئب ددی:

2«ائچئمده اولان فئکئرلرئمه گؤره جاواب ورمه‌یه مجبورام.

3منی اوتاندیران بئر مذمّتی اشئتدئم، دَرکئمئن روحو منی جاواب ورمه‌یه چکئر.

4مگر بونو قدئم زاماندان، ائنسانین یر اوزونه قویولدوغو زاماندان بئلمئرسن کی،

5شر آدامین ظفری قیسادیر، دئنسئز آدامین دا شادلیغی بئر آنلیق؟

6بویو گؤیلره چاتسا دا، باشی بولودلارا دَیسه ده،

7همئشه‌لئک یوخ اولاجاق، اؤز فضله‌سی کئمی. اونو گؤرموش اولانلار ”او هارادادیر؟“ دئیَرلر.

8یوخو کئمی اوچار، بئر داها تاپیلماز. گجه رؤیاسی کئمی یوخ اولار.

9اونو گؤرَن گؤزلر بئر داها اونو گؤرمزلر، یاشادیغی یرده آرتیق گؤرونمز.

10اوغوللاری فاغیرلارین مرحمتئنی آرزولار، و ثروتئنی اؤز اَللری گری وِرَر.

11سوموکلری جاوانلیق آلووو ائله دولو اولدوغو حالدا، اونونلا تورپاقدا یاتار.

12پئسلئک آغزینا شئرئن گلسه ده، اونو دئلئنئن آلتیندا گئزلَتسه ده،

13اونا آرزو چکسه ده، داماغینین آلتیندا ساخلاسا دا،

14یِدئیی یمک قارنیندا دَیئشئلر، ائچئنده افعی زهرئنه دؤنَر.

15ثروتلری اودور، لاکئن اونلاری قوساجاق؛ تاری اونلاری اونون قارنیندان اِشئیه چیخارداجاق.

16افعی ائلانلارین زهرئنی اَمَر؛ افعی ائلانین دئلی اونو اؤلدورَر.

17سو آرخلارینی، بال و آیران چایلارینی گؤرمَز

18قازاندیغینی گری وِرَر و اونلاری اودا بئلمز؛ تئجارتئنئن منفعتئندن لذّت آپارا بئلمز.

19چونکی فاغیرلارا ظولم ادئب، و اونلاری بوراخیب؛ اؤزو تئکمه‌دئیی اِوی زورلا قصب ادئب.

20ائچئنده آراملیغی اولمادیغی اوچون، آرزو اتدئیی هچ بئر شیی ساخلامیر.

21یِمه‌یی اوچون اونا هچ بئر شی قالماییب، اونا گؤره ده خوشبختلئیی داوام گتئرمز.

22بوللوغونون دولولوغوندا بله دارلیق چکه‌جک؛ بوتون فلاکت اَلی اونون ضئدّئنه قالخاجاقدیر.

23قارنینی دولدوران واخت، تاری شئدّتلی قضبئنی اونون اوستونه گؤند‌ره‌جک، و اونون جانینا یاغدیراجاقدیر.

24دَمئر سئلاحدان بلکه ده قاچا بئلسئن، لاکئن بورونج اوخ اونو دَلئب-دِشه‌جک.

25اوخ اونو دَلئب کچه‌جک و اونون بدنئندن چیخاجاق؛ پاریلدایان اوجو اونون جئیه‌رئندن چیخاجاق. دهشتلر اونون اوستونده‌دئر.

26خزئنه‌لرئنئن عاقئبتی قارانلیق اولاجاق، اوفورولمه‌مئش اود اونو یِیئب قورتاراجاق، و چادیریندا قالانلاری دا یاندیریب-یاخاجاق.

27اونون خاطاسینی گؤیلر آشکارا چیخارداجاق، یر اونون ضئدّئنه قالخاجاق.

28اِوئنئن محصولو، سورولوب گؤتوروله‌جک، تارینین قضبی گونونده، آخیب گده‌جکدئر.

29پئس آدامین تاریدان آلدیغی پای بودور، اونون اوچون تاریدان تعیئن اولونان مئراث بودور.»

← Chapter 19 Chapter 21 →