Job 13

azerbaijan-2013

1باخ، گؤزوم بونون هامیسینی گؤروب، قولاقلاریم بونو اشئدئب و آنلاییب دا.

2سئزئن بئلدئیئنئزی من ده بئلئرم. سئزدن هچ اَسکئک ده دیئلم.

3لاکئن ائسته‌یئرم قادئری-موطلقله دانیشیم، تاری ائله داعوالاشیم.

4آمّا سئز یالان دوزورسونوز، هامینیز دا دَیَرسئز حکئملرسئنئز.

5کاشکی سئز کامئل ساکئت قالسایدینیز؛ اوندا حئکمتلی گؤرونَردئنئز!

6ائندی بحثئمی بئر اشئدئن، دئلئمئن ائدّئعاسینا یاخشی قولاق آسین.

7مگر تاری اوچون حاقسیز سؤزلر دانیشاجاقسینیز؟ مگر اونون اوچون یالان دئیه‌جکسئنئز؟

8مگر اونون طرفئنی توتاجاقسینیز؟ اونون داعواسینی مگر سئز اده‌جکسئنئز؟

9اگر سئزی تَفتئش اتسه، یاخشی اولار؟ ائنسانی آلداتدیغینیز کئمی، مگر اونو دا آلداداجاقسینیز؟

10اگر اونون طرفئنی گئزلی توتاسینیز، البتّه کی، سئزی تنبه اِدَر.

11مگر اونون شؤوکتی سئزی واهئمه‌یه سالمیر؟ دهشتی مگر اوستونوزه دوشمور؟

12فئکرئنئزده ساخلادیقلارینیز کول قدر دَیَرسئزدئر، مودافئعه‌لرئنئز پالچیغا دَیمَز.

13ساکئت قالین کی، بئر دانیشیم، اوندان سونرا قوی باشیما نه گلئر، گلسئن.

14نه اوچون اَتئمی دئشئمه، جانیمی دا اَلئمه آلیم؟

15منی اؤلدورسه ده، اونا اومئد باغلایاجاغام. آمّا گئنه ده یوللاریمدان اؤتری اونون حوضوروندا دئفاع اده‌جیم.

16اصلئنده بو منئم نئجاتیم اولاجاق، چونکی تارییا ائنانمایان بئر آدام اونون حوضورونا گلمز.

17سؤزومه دئقّتله قولاق آسین، قوی اعلان اتدئکلرئم قولاقلارینیزی دولدورسون.

18باخین، موحاکئمه‌یه حاضیرلامیشام، حاقلی چیخاجاغیمی دا بئلئرم.

19کئم منئمله داعوایا دوراجاق؟ چونکی او واخت ساکئت اولوب اؤله‌رم.

20آنجاق بو ائکی شیی منه لوطف ات، او واخت سنئن اوزوندن گئزلَنمه‌رم.

21اَلئنی اوستومدن گؤتور، قویما دا کی، سنئن دهشتئن منی قورخوتسون.

22او زامان چاغیر، جاواب وره‌رم؛ یا دا من دانیشیم، سونرا سن جاواب ور.

23خاطالاریم و گوناهلاریم نه قدردئر؟ منه عوصیانیمی و گوناهیمی بئلدئر.

24نئیه اوزونو گئزله‌دئرسن، منی دوشمنئن ساییرسان؟

25مگر یِلئن قوپارتدیغی یارپاغی قورخوداجاقسان؟ مگر قورو سامان چؤپونو قووالایاجاقسان؟

26چونکی منئم ضئدّئمه آجی شیلر یازیرسان، جاوانلیغیمین خاطالارینی منه مئراث ورئرسن.

27آیاقلاریما کونده وورورسان، بوتون یوللاریما گؤز قویورسان، قدملرئمه حد تعیئن ادئرسن.

28اونا گؤره چوروموش بئر شی کئمی تلف اولورام، گووه یِمئش پالتار کئمی‌یَم.

← Chapter 12 Chapter 14 →