Job 11

azerbaijan-2013

1او زامان نَعَماتلی صوفَر جاواب ورئب ددی:

2«آیا بو قدر سؤز جاوابسیز قالسین؟ چوخ دانیشان آدام حاقلی ساییلسین؟

3سنئن لافلارینین قاباغیندا ائنسانلار ساکئت قالسینلار؟ رئشخند اده‌سن، هچ کس ده سنی دانلاماسین؟

4چونکی دیئرسن: ”منئم تعلئمئم خالئصدئر، سنئن گؤزونده طاهئرم.“

5کاشکی تاری دانیشسایدی، آغزینی سنه آچسایدی

6حئکمتئن سئرّئنی سنه بئلدئرسَیدی! چونکی حئکمتئن ائکی اوزو وار. بئل کی، تاری تقصئرلرئنئن نچه‌سئندن کچئب.

7آیا تارینین درئنلئیئنی اؤلچه بئلرسن؟ قادئری موطلقئن نهایتلرئنه یِتئشه بئلرسن؟

8گؤیلردن داها اوجادیر، نه اده بئلرسن؟ اؤلولر دئیاریندان داها درئندئر، نه آنلایا بئلرسن؟

9اؤلچوسو یردن اوزوندور، دهنزدن گِنئش.

10اگر آرادان بئر کچه، توتوب باغلایا، اگر موحاکئمه‌یه چکه، کئم قاباغینی آلا بئلر؟

11چونکی او، یالانچیلاری تانی‌ییر؛ حاقسیزلیغی گؤرن واخت، مگر اونو درک اتمز؟

12نه زامان وحشی اِششَک ائنسان دوغسا، آخماق دا آغیلّی اولار.

13اگر سن اوره‌یئنی دوز اده‌سن، اَللرئنی اونون طرفئنه اوزادارسان.

14اگر اَللرئنده تقصئر وار، اوندان اَل چک. قویما پئسلئک سنئن چادیریندا ساکئن اولسون.

15دوغرودان دا، او زامان باشینی اوتانمادان دئک توتارسان، صاغ-سالامات، قورخوسوز یاشایارسان.

16دار گونونو اونودارسان؛ اونو آخیب گتمئش سولار کئمی یادا سالارسان.

17حیاتین گون‌اورتانین گونشئندن داها ائشیقلی اولار، قارانلیغین سحر کئمی آچیلار.

18سن آرخایین اولارسان، چونکی اومئدئن وار. موحافئظت اولونارسان و امئن-آمانلیقدا یاتارسان.

19یاتارسان و هچ کس سنی قورخوتماز؛ سنئن لوطفونو بئر چوخلاری آرزولار.

20لاکئن پئس آداملارین گؤزلری قارالاجاق؛ پناه یرلری اولمایاجاق، اومئدلری ده آخیر نفسلرئنی چکمک اولاجاقدیر.»

← Chapter 10 Chapter 12 →