Jeremiah 8

azerbaijan-2013

1رب بویورور: «او واخت یهودا پادشاهلارینین و باشچیلارینین، کاهئنلرئنئن، پیغمبرلرئن و اورشلئمده یاشایانلارین سوموکلرئنی قبئرلرئندن چیخاردیب آتاجاقلار.

2اونلارین سوموکلری سِودئکلری، قوللوق اتدئکلری، طرفداری اولدوقلاری، آختاردیقلاری، و سجده اتدئکلری گونشئن، آیین و بوتون گؤی جئسئم‌لرئنئن قاباغینا تؤکوله‌جک. اونلار بئر یِره ییغیلیب باسدیریلمایاجاق؛ تورپاغین اوستونده پِیئن کئمی اولاجاق.

3بو پئس طایفادان صاغ قالانلارین هامیسی، آتدیغیم هر یرده حیاتی یوخ، اؤلومو سِچه‌جک.» قوشونلارین ربّی بله بویورور.

4اونلارا دئیه‌جکسن: رب بله دیئر: «مگر ییخیلانلار قالخمازلار؟ یولدان آزان مگر گری قاییتماز؟

5بس نه اوچون بو خالق یولدان آزیب؟ نه اوچون اورشلئم دائم دؤنوکلوک ادئر؟ اونلار یالانی بَرک توتوبلار، دؤنمک ائسته‌مئرلر.

6من قولاق آسیب اشئتمئشم: دوز دانیشماییبلار، ”نه اتدئم؟“ دیئب هچ کس اؤز پئسلئیئندن تؤوبه اتمئر. هر بئری دؤیوشه آتیلان آت کئمی، اؤز یولونا طرف دؤنوب.

7حتّا گؤیده اوچان لِیلَک ده اؤز واختینی بئلئر، قومرو، قارانقوش، و دورنا دا اوچوب گله‌جکلری واختی ساخلاییر، آمّا منئم خالقیم ربّئن حؤکملرئنی بئلمئر.

8نجه دئیه بئلرسن کی، ”بئز حئکمتلی‌یئک، ربّئن قانونو بئزده‌دئر؟“ باخ، کاتئبلرئن حئیله‌گر قلمی، اونو بئر یالانا چِوئرئب.

9حئکمتلی‌لر روسوای اولورلار، چاشیب تورا دوشورلر؛ باخ، اونلار ربّئن سؤزونو ردّ ادئبلر. بس اونلارین حئکمتی نه‌ده‌دئر؟

10بونا گؤره ده آروادلارینی باشقا آداملارا، زَمئلرئنی ده باشقا صاحئبلره وره‌جیم، اونا گؤره کی بؤیوکدن کئچئیه قدر، هر کس حارام قازانج دالینجا قاچیر. پیغمبردن کاهئنه قدر، هر کس حئیله قورور.

11خالقیمین قیزینین یاراسینی سؤزده یاخشیلاشدیریرلار. ”صولح، صولح“ دیئرلر، لاکئن صولح یوخدور.

12اتدئکلری ائیرنج ائشلر اوچون مگر اوتانیردیلار؟ یوخ، هچ اوتانمیردیلار، اوتانیب-قیزارماق دا بئلمئردئلر. بونا گؤره ده ییخیلانلار آراسیندا اونلار دا اولاجاقلار. جزالاندیریلدیقلاری واخت، یِره سَرئله‌جکلر.» رب دیئر.

13«اونلاری قطعن قیراجاغام.» رب بله بویورور. «تَنَک اوزوم گتئرمیه‌جک، انجئر آغاجی بار ورمه‌یه‌جک، یارپاق سولاجاق. من اونلارا نه وردئم، هامیسی اَللرئندن آلیناجاق.»

14نه اوچون یِرئمئزده اوتورموشوق؟ ییغیلین، قوی گدئب قالالی شهرلره گئرَک، قوی اورادا هلاک اولاق، چونکی تاریمیز رب بئزی هلاک اولماغا تسلئم ادئب، بئزه زَهَرلی سو ائچئردئب، اونا گؤره کی، ربّئن ضئدّئنه گوناه اتمئشئک.

15صولح گؤزله‌یئردئک، آمّا هچ خیئر گلمه‌دی. شفا واختینی گؤزله‌‌دئک، آمّا باخ، دهشت گلدی.

16«داندان اونلارین آتلارینین فینخیرتیسی اِشئدئلئر، آتلارینین کئشنَمه سَسئندن بوتون اؤلکه تئتره‌یئر. اونلار گلئرلر، تورپاغی و اورادا اولان هر شیی، شهری و اورادا یاشایانلاری یِیئب-قورتاریرلار.

17باخین، من اوستونوزه ائلانلار، اووسونلا رام اولمایان افعئلر گؤندَ‌ره‌جیم، اونلار سئزی سانجاجاقلار.» رب بله بویورور.

18قوصّم منی اؤزونده بوغور، اوره‌یئم سئنَمده طاقتسئزدئر.

19باخین، قولاق آسین! اوزاق اؤلکه‌دن خالقیمین قیزینین فریادینی اِشئدئرم: «مگر رب صحیوندا یوخدور؟ اونون پادشاهی مگر اورادا دیئل؟ اونلار نه اوچون اویما بوتلری ائله، یاد بوتلری ائله منی قضبلندئرئبلر؟

20بئچئن آخیرا چاتدی، یای قورتاردی، بئز خئلاص اولمادیق.»

21خالقیمین قیزینین یاراسیندان من ده یارالاندیم، یاس توتموشام، دهشت منی بورویوب.

22مگر گئلعاددا مَلحم یوخدور؟ مگر اورادا حَکئم یوخدور؟ اگر وار، بس خالقیمین قیزینا نه اوچون شفا ورئلمه‌دی؟

← Chapter 7 Chapter 9 →