Jeremiah 10

azerbaijan-2013

1ربّئن سئزه ددئیی سؤزو اِشئدئن، ای ائسرایئل نسلی!

2رب بله دیئر: «آیری مئلّتلرئن یولونو اؤیرنمه‌یئن، گؤی علامتلرئندن دهشته گلمه‌یئن، بونلاردان باشقا مئلّتلر دهشت ادئرلر.

3چونکی خالقلارین رسم-روسوملاری بوش شی‌دئر. مِشه‌دن کَسئلمئش اودوندور، اوستا، اَلئنئن کَسکئسی ائله اونا شکئل ورئر.

4اونو قیزیل و گوموشله بَزه‌یئرلر، چکوجلا، میخلا بَرکئدئرلر کی، یِره هِل‌لَنمه‌سئن.

5بوتلری خئیار بوستانینداکی مَتَرسَک کئمی دئرلر، دانیشا بئلمئرلر. اونلاری داشیماق لازیمدیر، چونکی یِرئیه بئلمئرلر. اونلاردان قورخمایین، چونکی هچ بئر ضرر یتئره بئلمئرلر، فایدالاری دا هچ یوخدور.»

6سنئن کئمی تاری یوخدور، یارب؛ سن بؤیوکسن، عظمتده آدین بؤیوکدور.

7ای مئلّتلرئن پادشاهی، سنه کئم حؤرمت اتمَز؟ سنه حؤرمت یاراشیر، چونکی مئلّتلرئن بوتون حئکمتلی‌لری آراسیندا، بوتون مملکتلرئنده سنئن کئمئسی یوخدور.

8اونلارین هامیسی عاغیلسیز و آخماقدیرلار، فایداسیز بوتلردن نه اؤیره‌نئله‌بئلر کی؟ آغاجدان دوزَ‌لمئشدئرلر!

9تَرشئشدن دؤیولموش گوموش، اوفازدان قیزیل گتئرئلئر. اوستانین و زرگرئن اَلی ائله دوزَ‌لدئلن بوته؛ لاجورد و ارغوان پالتار گِیئندئرئلئر. هامیسی باجاریقلی آداملارین اَلی ائشی‌دئر.

10آمّا رب حقئقی تاری‌دیر. وار اولان تاری‌دیر، ابدی پادشاه اودور. قضبئندن یِر تئتره‌یر، حئدّتئنئن قاباغیندا مئلّتلر دورا بئلمز.

11اونلارا بله دئیه‌جکسن: «یری و گؤیو یاراتمایان آللاهلار یر اوزوندن و گؤیون آلتیندان یوخ اولاجاقلار.»

12ربدئر کی، قودرتی ائله یِر اوزونو یاراتدی، حئکمتی ائله دونیانی قوردو، درّاکه‌سی ائله گؤیلری یایدی.

13او گورلایاندا، گؤیلرده‌کی سولار جوشا گلئر، یِرئن اوجقارلاریندان بولودلاری اوجالدیر، یاغیش اوچون شئمشک چاخدیریر، آنبارلاریندان کولَک چیخاردیر.

14هر کس آغیلسیزدیر، معرئفتسئزدئر. هر زرگر دوزَلتدئیی بوتدن اوتانیر، چونکی اونون تؤکدویو بوت پوچدور، اونلاردا نفس یوخدور.

15اونلار بوش شی‌دئرلر، مسخره‌دئرلر. جزا واختلاری گلن زامان، اونلار دا محو اولاجاقلار.

16لاکئن یعقوبا نصئب اولان اونلارا بَنزه‌مز؛ چونکی هر شیی یارادان اودور. ائسرایئل اونون ائرث قبئله‌سی‌دئر، اونون آدی قوشونلار ربّی‌دئر.

17ای موحاصئره‌یه آلینان شهرده یاشایان، اشیالارینی یردن باغلامایا ییغ.

18چونکی رب بله دیئر: «باخ، من بو دفه اؤلکه‌نئن ساکئنلرئنی ساپاندلا آتاجاغام. اونلاری سیخیشدیراجاغام کی، دوشمن اَلئنه کچسئنلر.»

19یارامدان اؤتری، وای حالیما! یارام صاغالماز. آنجاق من ددئم: «قطعن، مرض، منئم مرضئم، اونا دؤزمه‌لی‌یَم.»

20چادیریمین ییخیلیب، بوتون ائپلرئم قوپوب. اوشاقلاریم منی ترک ادئب و آرتیق یوخدورلار. چادیریمی تزه‌دن قوران، پرده‌لرئمی تزه‌دن آسان قالماییب.

21چونکی خالقین چوبانلاری آغیلسیز اولوبلار، ربدن مصلحت آلماییبلار. بونا گؤره ده اوغور قازانماییبلار، بوتون سورولری ده داغیلیب.

22بئر خبر سَسی گلئر، قولاق آسین! شئمال اؤلکه‌سئندن بؤیوک گورولتو گلئر کی، یهودا شهرلرئنی خارابالیغا، چاقّال یوواسینا چِوئرسئن.

23یارب، بئلئرم کی، ائنسانین عؤمرو اؤز اَلئنده دیئل. قدملرئنه طرئق ورمک ده اونون ائشی دیئل.

24منی ائصلاح ات، یارب، آنجاق قضبئنله یوخ، عدالتله. یوخسا منی هچه چیخاردارسان.

25قضبئنی سنی تانیمایان مئلّتلرئن، آدینی چاغیرمایان طایفالارین اوستونه تؤک. چونکی اونلار یعقوب نسلئنی اودوبلار، اونو یِیئب-قورتاریبلار، یوردونو وئران قویوبلار.

← Chapter 9 Chapter 11 →