Isaiah 54

azerbaijan-2013

1«شادلیقدان هارای چک، ای سونسوز، ای قیصیر آرواد! سِوئنج هارایی چک، سَسلَن، ای دوغوش آغریسی چکمه‌ین سن! چونکی ترک ادئلمئش آروادین اؤولادلاری، اَرلی آروادین اؤولادلاریندان چوخ اولاجاق.» بونو رب دیئر.

2«چادیرینین یِرئنی گِنئشلَندئر، مسکنئنئن اؤرتوکلرئنی اوزات، چکئنمه؛ ائپلرئنی اوزات، پایالارینی وور.

3چونکی صاغا و سولا یاییلاجاقسان، نسلئن مئلّتلره صاحئب اولاجاق، وئران قالمیش شهرلرده تزه‌دن مسکن سالاجاق.

4قورخما، چونکی اوتانمایاجاقسان، اؤزونو آلچاق گؤرمه، چونکی روسوای اولمایاجاقسان. جاوانلیغین خجالتئنی یاددان چیخارداجاقسان، بئر داها دا دول‌لوغونون روسوایچیلیغینی یادینا سالمایاجاقسان.»

5چونکی سنی یارادان سنئن اَرئندئر، اونون آدی قوشونلار ربّی‌دئر. سنی ساتین آلان ائسرایئلئن موقدّسی‌دئر، او کی، بوتون دونیانین تاریسی آدلانیر.

6تارین دیئر: «رب سنی چاغیریب، آتیلمیش و روحو اَزئلمئش، جاوان یاشیندا اَره گتمئش، سونرا دا ردّ اولونموش بئر آرواد کئمی.

7بئر آن سنی ترک اتدئم، آمّا بؤیوک شَفقَتله سنی توپلایاجاغام.

8آلوولانان قضبله بئر آن سندن اوزومو دؤندَ‌ردئم، لاکئن ابدی محبّتئمله سنه شَفقَت گؤرسده‌جیم.» بونو سنی ساتین آلان، رب دیئر.

9«بو، منئم اوچون نوحون گونلری کئمی‌دئر، او زامان کئمی کی، آند ائچدئم نوحون دؤورونده‌کی سل سولاری بئر داها یِر اوزونو اؤرتمیه‌جک؛ ائندی ده آند ائچئرم کی، سنه قضبلَنمیه‌جیم، سنی مزمّت اتمیه‌جیم.

10داغلار بلکه ده یِرئندن جایسینلار، تپه‌لر بلکه ده تئتره‌سئنلر، لاکئن سنه اولان محبّتئم دَیئشمَز، صولح عهدئم یِرئندن جایماز.» بونو سنه شَفقَت گؤرسه‌دن رب دیئر.

11«ای طوفانا دوشموش، تسلّی تاپمامیش یازیق شهر! باخ، سنئن داشلارینی عَقئقلرله، سنئن پایالارینی لاجورد داشلارلا قویاجاغام.

12بورجلرئنی یاقوتدان، دروازالارینی لعل-جواهئردن، بوتون دووارینی قئیمتلی داشلاردان حؤره‌جیم.

13بوتون اؤولادلارین ربدن تعلئم آلاجاقلار، اؤولادلارینین رئفاهی بؤیوک اولاجاق.

14صالحلئکده مؤحکملَنه‌جکسن، ظولمدن اوزاق اولاجاقسان، چونکی قورخمایاجاقسان. قورخو حئسّی سندن اوزاق اولاجاق، چونکی سنه یاخینلاشمایاجاق.

15سنه هوجوم ادن اولسا، بئل کی، بو مندن دیئل، سنه هوجوم ادن هر کس، سنه گؤره ییخیلاجاق.

16باخ، اوددا کؤمورو کؤروکله‌یَن، اؤز ائشی اوچون سئلاح حاضیرلایان دمئرچئنی من یاراتمیشام؛ محو اتمک اوچون قیریجینی دا من یاراتمیشام.

17سنئن ضئدّئنه ائشله‌نَن هچ بئر سئلاح ائشه یارامایاجاق. محکمه‌ده سنی تقصئرلَندئرن هر دئل محکوم اولوناجاق. ربّه قوللوق ادنلرئن ائرثی بله‌دئر. اونلارین دئفاعسی مندن گلئر.» بونو رب بویورور.

← Chapter 53 Chapter 55 →