Hosea 4

azerbaijan-2013

1«ای ائسرایئل اؤولادلاری، ربّئن سؤزونو اِشئدئن، چونکی بو اؤلکه‌ده یاشایانلارلا ربّئن داعواسی وار. بو یرده نه صداقت قالیب، نه محبّت، نه ده تارینی تانیماق.

2لعنت، یالان، قتل، اوغورلوق و زئنا هر یِره یاییلیب. قدّارلیق ادئب، قان اوستونه قان تؤکورلر.

3بوندان اؤتری اؤلکه یاس توتور، اورادا یاشایان هر کس سولوب. چؤل حیوانلاری دا، گؤی قوشلاری دا، حتّا دهنزده‌کی بالیقلار دا محو اولور.

4آنجاق هچ کس داعوا اتمه‌سئن، هچ کس باشقاسینی تقصئرلَندئرمه‌سئن، چونکی سنئن خالقین کاهئنله چکئشَنلره بَنزه‌یئر.

5سن گوندوز هِللَنه‌جکسن، پیغمبر ده گجه سنئنله بئرلئکده. سنئن آنانی محو اده‌جیم.

6خالقیم معرئفتسئزلئکدن محو اولور. سن معرئفتی ردّ اتدئیئن اوچون، من ده سنی ردّ اده‌جیم کی، بئر داها منه کاهئنلئک اتمیه‌سن. ائندی کی، اؤز تارینین قانونونو یاددان چیخاردیبسان، من ده سنئن بالالارینی یاددان چیخارداجاغام.

7نه قدر چوخالدیلار، منئم ضئدّئمه او قدر ده چوخ گوناه اتدئلر. اونلارین عئزّتئنی روسوایچیلیغا چِوئره‌جیم.

8خالقیمین گوناهی ائله بَسله‌نئرلر، اونلارین تقصئرئنه جان آتیرلار.

9خالقین باشینا گلن، کاهئنئن ده باشینا گله‌جک. توتدوقلاری یول اوچون اونلاری جزالاندیرجاغام. عمل‌لرئنئن عوضئنی اونلارا وره‌جیم.

10یئیه‌جکلر، آمّا دویمایاجاقلار؛ فاحئشه‌لئک اده‌جکلر، آمّا چوخالمایاجاقلار، چونکی اونلار ربّی ترک ادئب اونا محل قویمورلار.

11زئنا، کؤهنه و تزه شراب اونلارین فهملرئنی باشلاریندان چیخاردیب.

12خالقیم آغاج تئکه‌سئندن مصلحت آختاریر، عصالاری اونلارا مشورت ورئر، چونکی فاحئشه‌لئک روحو اونلاری آزدیریب، فاحئشه‌لئک اتمکله اؤزلرئنئن تاریسیندان آیریلیبلار.

13داغلارین باشیندا قوربان کَسئرلر، تپه‌لرده، پالید، سِپئدار و چؤل پوسته‌سی آلتیندا کؤلگه‌لری گؤزل اولدوغو اوچون بوخور یاندیریرلار. بونا گؤره ده قیزلارینیز فاحئشه‌لئک ادئرلر، گلئنلرئنئز ده زئناکاردیرلار.

14فاحئشه‌لئک ادن قیزلارینیزی، زئنا ادن گلئنلرئنئزی جزالاندیرمایاجاغام؛ چونکی کئشئلر اؤزلری ده فاحئشه‌لرله اویناشیرلار، بوت معبدلرئنئن فاحئشه‌لری ائله بئرلئکده قوربان کَسئرلر. بونا گؤره ده، درّاکه‌سئز خالق محو اولاجاق.

15ای ائسرایئل، گرچی سن فاحئشه‌لئک ادئرسن، هچ اولماسا قویما یهودا تقصئرکار اولسون. گئلگالا گئرمه‌یئن، بِیت‌آوِنه چیخمایین. ”وار اولان ربّئن حاقّی اوچون“ دیئب آند ائچمه‌یئن.

16بلی، ائسرایئل عئنادکار بئر بوزوو کئمی عئناد ادئر. ائندی رب اونلاری اوتلاقدا قوزو اوتاران کئمی نجه اوتارسین؟

17اِفرایئم بوتلرئندن یاپیشیب، بوراخ اونو!

18اونلار ائچکئلری قورتاراندان سونرا اؤزلرئنی فاحئشه‌لئیه ورئرلر. اونلارین باشچیلاری روسوایچیلیغی چوخ سِوئرلر.

19اونلاری بئر یِل قانادلارینا بورویوب، اونلار قوربانلاریندان اؤتری اوتاناجاقلار.

← Chapter 3 Chapter 5 →