Hosea 12

azerbaijan-2013

1اِفرایئم یِل‌له بَسله‌نئر، بوتون گون شرق کوله‌یئنئن دالینجا گِدئر. یالانی، قدّارلیغی آرتیریر. آشورلا عهد باغلاییر، مئصئره زیتون یاغی گؤندَ‌رئر.

2ربّئن یهودا ائله داعواسی وار، یعقوبو گتدئیی یوللارا گؤره جزالاندیراجاق، عمل‌لرئنه گؤره اونا عوض وره‌جک.

3او حله آنا بطنئنده ائکن قارداشینین توپوغوندان توتدو، بؤیوکلوک چاغیندا تاری ائله گولَشدی.

4مَلَکله گوله‌شئب اونا قالئب گلدی، آغلایاراق اوندان ائلطئفات ائسته‌دی. او تاری ائله بِیت‌ائلده گؤروشدو، اورادا تاری اونونلا دانیشدی؛

5رب، قوشونلار تاریسی، رب آدیندا یادا سالیلیر.

6بونا گؤره ده سن تارینا دؤن، محبّت، و عدالتی یرئنه یتئر، همئشه تارینی گؤزله.

7او، تاجئردئر، اَلئنده‌کی آلدادیجی تَره‌زی ائله آلداتماغی سِوئر.

8اِفرایئم دیئر: «دوغرودان دا، من وارلی‌یام، اؤزوم اوچون ثروت ییغمیشام. چکدئیئم بوتون زحمتلرده، گوناه ساییلاجاق بئر تقصئر منده تاپا بئلمیه‌جکلر.»

9«لاکئن سنی مئصئردن چیخاردان تارین رب منم. بایرام گونلرئنده اولدوغو کئمی سنی گئنه اؤز چادیرلاریندا ساکئن اده‌جیم.

10من نبی‌لرله دانیشدیم، چوخلو رؤیا گؤندَ‌ردئم، پیغمبرلرئن دئلئندن مثللر ددئم.»

11گئلعاد خالقی تقصئرلی‌دئر، دوغرودان دا، یارامازدیر. گئلگالدا گامیشلاری قوربان کَسئرلر. اونلارین قوربانگاهلاری شوخوملانمیش زَمئده‌کی داش قالاقلاری کئمئدئر.

12یعقوب اَرام تورپاغینا قاچدی، اورادا ائسرایئل آرواد اوچون قول اولدو، آروادا گؤره قویون قوروقچوسو اولدو.

13رب ائسرایئلی بئر پیغمبر واسئطه‌سی‌ائله مئصئردن چیخارتدی، بئر پیغمبر واسئطه‌سی‌ائله اونو قورودو.

14اِفرایئم تارینی بَرک قضبلَندئرئب، اونا گؤره ده تؤکدویو قانین تقصئری اؤز بوینوندا اولاجاق. اونون پروردئگاری، اونون روسوایچیلیغینی اؤزونه قایتاراجاق.

← Chapter 11 Chapter 13 →