Ezekiel 48

azerbaijan-2013

1”قبئله‌لرئن آدلاری بله‌دئر: شئمال سرحدئنده اولان دانا بئر پای ورئله‌جک. دانین سرحدی خِتلون یولوندان خَمات کِچئدئنه قدر اوزاناجاق. خَصَر-عِینان و خَماتا یاخین دَمَشقئن شئمال سرحدی شرقدن قربه قدر اوزانان سرحدئن بئر حئصّه‌سئنی توتاجاق.

2آشِره بئر پای ورئله‌جک. سرحدی دانین شرقدن قربه قدر اوزانان سرحدئنه بئتئشئک اولاجاق.

3نَفتالئیه بئر پای ورئله‌جک. سرحدی آشِرئن شرقدن قربه قدر اوزانان سرحدئنه بئتئشئک اولاجاق.

4مِنَسّه‌یه بئر پای ورئله‌جک. سرحدی نَفتالئنئن شرقدن قربه قدر اوزانان سرحدئنه بئتئشئک اولاجاق.

5اِفرایئمه بئر پای ورئله‌جک. سرحدی مِنَسّه‌نئن شرقدن قربه قدر اوزانان سرحدئنه بئتئشئک اولاجاق.

6رِعوبئنه بئر پای ورئله‌جک. سرحدی اِفرایئمئن شرقدن قربه قدر اوزانان سرحدئنه بئتئشئک اولاجاق.

7یهودایا بئر پای ورئله‌جک. سرحدی رِعوبئنئن شرقدن قربه قدر اوزانان سرحدئنه بئتئشئک اولاجاق.

8یهودانین شرقدن قربه قدر اوزانان سرحدئنه بئتئشئک تورپاقلار آییراجاغینیز خوصوصی پای اولاجاق. اِنی ائیئرمی بش مئن قول‌آچ، شرقدن قربه اوزونلوغو دا بئر قبئله‌یه دوشَن پای قدر اولاجاق. موقدّس مکان اورانین اورتاسیندا اولاجاق.

9ربّه مخصوص اولان وره‌جیئن پایین اوزونلوغو ائیئرمی بش مئن قول‌آچ، اِنی اون مئن قول‌آچ اولاجاق.

10بو موقدّس پای کاهئنلر اوچون اولاجاق. شئمالدا اوزونلوغو ائیئرمی بش مئن قول‌آچ، قربده اِنی اون مئن قول‌آچ، شرقده اِنی اون مئن قول‌آچ، جنوبدا اوزونلوغو ائیئرمی بش مئن قول‌آچ اولاجاق. ربّئن موقدّس مکانی اورانین اورتاسیندا اولاجاقدیر.

11بو بؤلگه صادوق نسلئندن تقدئس اولونموش کاهئنلر اوچون اولاجاق. اونلار امرئمی یرئنه یتئردئلر، ائسرایئل اؤولادلاری یولدان آزان زامان، لاوئلی‌لر ده یولدان آزدیلار، آمّا اونلار یولدان آزمادیلار.

12او یِر اؤلکه‌نئن موقدّس پاییندان مخصوص بئر پای اولاراق اونلارا ورئله‌جک. اورا لاوئلی‌لرئن تورپاقلارینا بئتئشئک چوخ موقدّس بئر بؤلگه اولاجاقدیر.

13کاهئنلرئن سرحدی یاخینلیغیندا لاوئلی‌لرئن ائیئرمی بش مئن قول‌آچ اوزونلوغوندا، اون مئن قول‌آچ اِنئنده بئر پایلاری اولاجاق. بو بؤلگه‌نئن اوزونلوغو ائیئرمی بش مئن قول‌آچ، اِنی اون مئن قول‌آچ اولاجاقدیر.

14لاوئلی‌لر اورانی ساتماسینلار و باشقا یِرله دَیئشمه‌سئنلر. بو، اؤلکه‌نئن لاپ یاخشی حئصّه‌سی‌دئر و باشقا آدامین اَلئنه کِچمه‌مه‌لی‌دئر، چونکی اورا ربّه وقف ادئلمئشدئر.

15بو مخصوص پایین قالان ائیئرمی بش مئن قول‌آچ اوزونلوقدا و بش مئن قول‌آچ اِنئنده‌کی حئصّه‌سی موقدّس دیئل و شهر اوچوندور. بو یِر اِولره، اوتلاقلارا آیریلاجاق. شهر اونون اورتاسیندا اولاجاق.

16شهرئن اؤلچولری بله اولاجاق: شئمال طرفی دؤرد مئن بش یوز قول‌آچ، جنوب طرفی دؤرد مئن بش یوز قول‌آچ ، شرق طرفی دؤرد مئن بش یوز قول‌آچ، قرب طرفی دؤرد مئن بش یوز قول‌آچ.

17شهر اوچون آیریلان اوتلاغین اؤلچولری بله اولاجاق: شئمالدا ائکی یوز اَلّی قول‌آچ ، جنوبدا ائکی یوز اَلّی قول‌آچ، شرقده ائکی یوز اَلّی قول‌آچ، قربده ائکی یوز اَلّی قول‌آچ.

18موقدّس بؤلگه‌نئن سرحدئنده قالان یِرئن هم شرق طرفی، هم ده قرب طرفی اون مئن قول‌آچ اولاجاق. موقدّس بؤلگه‌یه بئتئشئک تورپاقلاردا یِتئشَن محصول شهرده ائشله‌یَنلره مخصوص اولاجاق.

19ائسرایئلئن هر قبئله‌سئندن شهرده ائشله‌یَنلر تورپاغی شوخوملایاجاقلار.

20بو بؤلگه‌نئن اَراضئسی دؤردبوجاقلی شکلئنده‌دئر، هر یانی ائیئرمی بش مئن قول‌آچ‌دیر. سئز موقدّس بئر پای اولاراق دؤرد بوجاقلی شکلئنده، شهرئن مولکو ائله بئرلئکده آییرین.

21موقدّس بؤلگه‌یه عایید اولان حئصّه ائله شهره عایید اولان حئصّه‌دن باشقا، آییردیغینیز مخصوص پایدان هر ائکی طرفده قالان تورپاقلار رهبره ورئله‌جک. بو تورپاقلار موقدّس بؤلگه‌یه عایید اولان ائیئرمی بش مئن قولاچلیق حئصّه‌نئن شرقئندن و قربئندن اؤلکه‌نئن شرق و قرب سرحدلرئنه قدر اوزاناجاق. قبئله‌لره دوشَن پایلار بویونجا اوزانان بو ائکی بؤلگه، رهبره مخصوص اولاجاق. موقدّس بؤلگه‌یه عایید اولان حئصّه ائله معبدئن موقدّس مکانی اورانین اورتاسیندا اولاجاقدیر.

22بله‌جه لاوئلی‌لره دوشَن مولکله شهره عایید اولان مولک رهبره ورئلَن تورپاقلارین آراسیندا قالاجاق. رهبره ورئله‌جک تورپاقلار یهودا ائله بِنیامئنئن سرحدی آراسیندا اولاجاق.

23قالان قبئله‌‌لره دوشَن پای بله‌دئر: بِنیامئنه بئر پای ورئله‌جک. سرحدی شرقدن قربه قدر اوزاناجاق.

24شَمعونا بئر پای ورئله‌جک. سرحدی بِنیامئنئن شرقدن قربه قدر اوزانان سرحدئنه بئتئشئک اولاجاق.

25یئسّاکارا بئر پای ورئله‌جک. سرحدی شَمعونون شرقدن قربه قدر اوزانان سرحدئنه بئتئشئک اولاجاق.

26زِبولونا بئر پای ورئله‌جک. سرحدی یئسّاکارین شرقدن قربه قدر اوزانان سرحدئنه بئتئشئک اولاجاق.

27جادا بئر پای ورئله‌جک. سرحدی زِبولونون شرقدن قربه قدر اوزانان سرحدئنه بئتئشئک اولاجاق.

28جاد سرحدی اؤلکه‌نئن جنوب سرحدی اولوب، تاماردان مِرئبا-قادِش سولارینا، اورادان دا مئصئر وادئسی بویونجا بؤیوک دهنزه قدر اوزاناجاق.

29ائرث اولاراق ائسرایئل قبئله‌لری آراسیندا بؤلوشدوره‌جیئنئز تورپاق بودور. اونلارا دوشه‌جک پایلار بونلاردیر.“ پروردئگار رب بله بویورور.

30”شهرئن چیخیش یِرلری بونلاردیر: دؤرد مئن بش یوز قول‌آچ اوزونلوغوندا اولان شئمال طرفده دروازالار اولاجاق.

31شهرئن دروازالارینا ائسرایئل قبئله‌لرئنئن آدلاری ورئله‌جک. شئمال طرفده اوچ دروازا اولاجاق: بئری رِعوبئن دروازاسی، بئری یهودا دروازاسی، بئری لاوی دروازاسی.

32دؤرد مئن بش یوز قول‌آچ اوزونلوغوندا اولان شرق طرفده اوچ دروازا اولاجاق: بئری یوسئف دروازاسی، بئری بِنیامئن دروازاسی، بئری دان دروازاسی.

33دؤرد مئن بش یوز قول‌آچ اوزونلوغوندا اولان جنوب طرفده اوچ دروازا اولاجاق: بئری شَمعون دروازاسی، بئری یئسّاکار دروازاسی، بئری زِبولون دروازاسی.

34دؤرد مئن بش یوز قول‌آچ اوزونلوغوندا اولان قرب طرفده اوچ دروازا اولاجاق: بئری جاد دروازاسی، بئری آشِر دروازاسی، بئری نَفتالی دروازاسی.

35شهرئن دایره‌سی اون سکّئز مئن قول‌آچ اولاجاق و او گوندن سونرا شهرئن آدی یَهوِه-شِمّا اولاجاقدیر.“