Ezekiel 31

azerbaijan-2013

1اسئرلئیئمئزئن اون بئرئنجی ائلئنده، اوچونجو آیین بئرئنجی گونو منه ربّئن بو سؤزو نازئل اولدو:

2«ای بشر اوغلو، مئصئر پادشاهی فئرعونا و اونون بوتون جاماعاتینا دِه: ”عظمتده کئم سنئنله موقایئسه ادئله بئلر؟

3باخ، آشور لوبنانداکی سئدر آغاجینا بَنزه‌یئردی، مِشه‌یه کؤلگه سالان گؤزل بوداقلاری وار ائدی، چوخ اوجا ائدی، باشی بولودلارا چاتیردی.

4اونو سولار بؤیوتدو؛ درئن سو قایناقلاری اونون بویونو اوجالتدی. چایلاری اَکئلدئیی یری اَحاطه اتدی، آرخلاری چؤلده‌کی بوتون آغاجلارا چاتیردی.

5بونا گؤره ده چؤلده‌کی بوتون آغاجلاردان بؤیوک اولدو؛ بول سو ائچدئیی اوچون قول-بوداق آتیب شاخه‌لری اوزاندی.

6بوتون گؤی قوشلاری اونون بوداقلاریندا یووا قوردولار؛ بوتون چؤلون وحشی حیوانلاری اونون شاخه‌لری آلتیندا بالالادی، بوتون بؤیوک مئلّتلر کؤلگه‌سئنده یاشادی.

7بؤیوکلویو و اوزون بوداقلاری ائله گؤزل اولدو، چونکی کؤکلری بول سو ائچئنده ائدی.

8تارینین باغچاسینداکی سئدر آغاجلاری دا بویدا اونا چاتمازدی، شام آغاجلاری بویدا اونون بوداقلارینا یِتمَزدی، چئنار آغاجلاری اونون شاخه‌لری کئمی دیئلدی، تارینین باغچاسینداکی آغاجلاردان هچ بئری اونون کئمی گؤزل دیئلدی.

9چوخلو بوداقلارلا او سئدر آغاجینی گؤزل‌لَشدئردئم، تارینین باغچاسی اولان عدنده‌کی بوتون آغاجلار، اونا پاخیلّیق اتدئلر.“

10بونا گؤره ده پروردئگار رب بله دیئر: ”ائندی کی بویو اوجالیب باشی بولودلارا چاتاندا، اوجالیغینا گؤره اوره‌یی کئبئرلَندی،

11من ده اونو مئلّتلرئن گوجلو بئرئنه تسلئم اده‌جیم. او دا اونون پئسلئیئنئن عوضئنی وره‌جک. من اونو قووموشام.

12یاد-اِللی مئلّتلرئن لاپ رحمسئزی اونو کَسئب تک-تنها بوراخیب. بوداقلاری داغلارا و بوتون دره‌لره دوشوب. شاخه‌لری اؤلکه‌نئن بوتون وادئلرئنده قیریلیب قالیب. یِر اوزونون بوتون خالقلاری کؤلگه‌سئندن چکئلئب اونو ترک ادئبلر.

13گؤیده‌کی بوتون قوشلار اونون ییخیلمیش گؤوده‌سی اوستونه قونورلار، چؤلون بوتون وحشی حیوانلاری اونون شاخه‌لری آراسیندا یاشاییرلار.

14بو اونا گؤره اولوب کی، بئر داها سولارین یاخینلیغیندا بئتَن هچ بئر آغاج بوی آتماسین، باشینی بولودلارا چاتدیرماسین، بول سو ائچَن هچ بئر آغاج بو قدر اوجالماسین. چونکی اونلارین هامیسی قبئره اِنَن ائنسانلارلا بئرلئکده، اؤلومه-یِرئن درئنلئکلرئنه تسلئم ادئلئبلر.“

15پروردئگار رب بله دیئر: ”سئدر آغاجی اؤلولر دئیارینا اِندئیی گون یاس توتدوردوم؛ درئن سو قایناقلارینی اونا آخماقدان دایاندیردیم، چایلارینین قاباغینی کَسدئم، گور سولارین چوخلاری کَسئلدئلر. او آغاج اوچون لوبنانا یاس توتدوردوم و بوتون چؤل آغاجلاری اونون اوزوندن سولدولار.

16قبئره اِنَنلرله بئرلئکده اونو اؤلولر دئیارینا اِندئردئیئم زامان، داغیلماسینین گورولتوسوندن مئلّتلری لرزه‌یه سالدیم. او زامان عدن باغینداکی بوتون آغاجلار، لوبنانین لاپ سِچئلمئش، لاپ یاخشی و بول سولانان آغاجلاری یِرئن درئنلئکلرئنده تسلّی تاپدی.

17کؤلگه‌سئنده یاشایانلار، مئلّتلر آراسیندا اونا آرخا دورانلار دا اونونلا بئرلئکده اؤلولر دئیارینا، قیلینجلا اؤلدورولموش آداملارین یانینا اِندئلر.

18عدن آغاجلاریندان هانسی عئزّت و عظمتده سنئنله موقایئسه ادئله بئلر؟ آنجاق سن عدن آغاجلاری ائله بئرلئکده یِرئن درئنلئکلرئنه اِندئرئله‌جکسن. قیلینجلا اؤلدورولموش ختنه‌سئزلرئن آراسیندا یاتاجاقسان. فئرعونون و اونون جاماعاتینین عاقئبتی بله اولاجاق.“ پروردئگار رب بویورور.»

← Chapter 30 Chapter 32 →