Exodus 27

azerbaijan-2013

1قوربانگاهی اَقاقئیا آغاجیندان دوزَلت. قوی اوزونلوغو بش قول‌آچ ، اِنی ده بش قول‌آچ اولسون، قوربانگاه مورَبّع شَکلئنده، بویو دا اوچ قول‌آچ اولسون.

2قوربانگاهین بوینوزلارینی اونون دؤرد کونجونه قوی؛ بوینوزلاری اونونلا بئر حئصّه‌دن اولسون. اونون اوستونو بورونجله اؤرت.

3اورانین یاغ و کول قابلارینی، کورَکلرئنی، لَیَنچه‌لرئنی، چَنگللرئنی، خَکَندازلارینی و قالان شیلرئنی بورونجدن دوزَلت.

4قوربانگاه اوچون بورونجدن تور شبکه، تورون دا دؤرد بوجاغیندا بورونجدن دؤرد حالقا دوزَلت.

5اونو قوربانگاهین کناریندان آشاغییا قوی کی، تور اونون یاریسینا قدر یتئشسئن.

6قوربانگاه اوچون اَقاقئیا آغاجیندان دئرَکلر دوزَلت و اوستونو بورونجله اؤرت.

7دئرَکلری حالقالارا تاخ کی، قوربانگاهی داشییان زامان، دئرَکلر اونون هر ائکی یانیندا اولسون.

8قوربانگاهین ائچی بوش اولسون و اونو تاختادان دوزَلت. داغدا سنه گؤرستدئیئم کئمی اونو دوزَلت.

9خیمه‌نئن حیطئنی دوزَلت. حیطئن جنوب طرفئنده، بئر طرف اوچون اوزونلوغو یوز قول‌آچ اولان پرده‌لر، نفئس توخونموش نازئک کتاندان،

10اونون ائیئرمی دئره‌یی و ائیئرمی آلتلیغی بورونجدن، دئرَکلرئن قولّابلاری و بندلری ده گوموشدن اولسون.

11شئمال طرفی اوچون ده اوزونلوغو یوز قول‌آچ اولان پرده‌لر اولسون؛ اونلارین ائیئرمی دئره‌یی و ائیئرمی آلتلیغی بورونجدن، دئرَکلرئن قولّابلاری و بندلری ده گوموشدن اولسون.

12قرب طرفئنده‌کی پرده‌لر، حیطئن اِنی کئمی، اَلّی قول‌آچ اولسون. بو پرده‌لر اوچون اون دئرَک و اون آلتلیق دوزَلت.

13شرق طرفئنده ده حیطئن اِنی اَلّی قول‌آچ اولسون.

14دروازانین بئر طرفی اوچون اوزونلوغو اون بش قول‌آچ پرده‌لر، اونلارین اوچ دئره‌یی و اوچ آلتلیغی اولسون.

15او بئری طرف اوچون ده اوزونلوغو اون بش قول‌آچ پرده‌لر، اونلارین اوچ دئره‌یی و اوچ آلتلیغی اولسون.

16حیطئن دروازاسی اوچون اوزونلوغو ائیئرمی قول‌آچ اولان لاجورد، ارغوانی و قیرمیزی پارچا و نفئس توخونموش نازئک کتاندان ناخیش تئکمه‌لی آراکَسمه اولسون. اونون دؤرد دئره‌یی و دؤرد آلتلیغی دا اولسون.

17حیطئن بوتون اطراف دئرَکلری گوموش بندلرله بندلَنسئن؛ اونلارین گوموش قولّابلاری و بورونج آلتلیقلاری اولسون.

18حیطئن اوزونلوغو یوز قول‌آچ و اِنی هر یرده اَلّی قول‌آچ اولسون؛ نفئس توخونموش نازئک کتاندان اولان پرده‌نئن بویو دا بش قول‌آچ اولسون، آلتلیقلاری دا بورونجدن اولسون.

19خیمه‌نئن عئبادتی اوچون ائشله‌نَن بوتون شیلری، اونون بوتون یره وورولان میخلاری، حیطئن بوتون میخلاری دا بورونجدن اولسون.

20سن ائسرایئل اؤولادلارینا امر ات کی، سنه ائشیق اوچون خالئص سیخما زیتون یاغی گتئرسئنلر. بو یاغدان همئشه بئر چیراق

21حوضور چادیریندا شهادت ساندیغینین موقابئلئنده‌کی پرده‌نئن قیراغیندا یانسین. هارونلا اوغوللاری ربّئن حوضوروندا اونا آخشامدان سحره قدر یتئشسئنلر. قوی بو نسئلدن-نسئله ائسرایئل اؤولادلاری اوچون ابدی قایدا اولسون.

← Chapter 26 Chapter 28 →