Esther 7

azerbaijan-2013

1پادشاهلا هامان مَلَکه اِستِرئن ضئیافتئنه گلدئلر.

2ائکئنجی گون شراب ائچئلَنده پادشاه گئنه اِستِردن سوروشدو: «مَلَکه اِستِر، نه ائسته‌یئرسن؟ دِه، سنه ورئم! آرزون نه‌دئر؟ حتّا پادشاهلیغین یاریسی اولسا بِله، سنه ورئله‌جکدئر.»

3مَلَکه اِستِر پادشاها جاواب ورئب ددی: «اگر سنئن گؤزونده لوطف تاپمیشام، ای پادشاه، اگر پادشاهین خوشونا گلئر، ائسته‌یئم بودور کی، منه حیاتیمی عطا اده‌سن، خالقیم اوچون ده ائسته‌یئم بودور.

4چونکی هم من، هم ده خالقیم قیریلماق، اؤلدورولمَک و محو ادئلمَک اوچون ساتیلمیشیق. اگر بئزی، کئشئلری و آروادلاری، قول کئمی ساتسایدیلار، ساکئت قالاردیم، چونکی پادشاهی بله بئر دَردله ناراحات اتمه‌یه دَیمَز.»

5او زامان پادشاه اَخَشوِروش مَلَکه اِستِردن سوروشدو: «بو ائشی کئم ادئر؟ هارادادیر؟ کئمئن بله بئر ائسته‌یی وار؟»

6اِستِر ددی: «بئزه عداوت ادن دوشمنئمئز بو شَرئر هاماندیر!» پادشاهین و مَلَکه‌نئن حوضوروندا هامانی دهشت بورودو.

7پادشاه قضبله شراب سوفره‌سئندن قالخدی و سارایین باغچاسینا چیخدی. آمّا هامان ائچه‌رئده قالدی کی، مَلَکه اِستِره جانی اوچون یالوارسین، چونکی آنلامیشدی کی، پادشاه اونون اؤزونه زئیان یتئرمه‌یه قَرار ورئب.

8پادشاه سارای باغچاسیندان شراب ائچدئکلری ضئیافت یرئنه قاییداندا گؤردو کی، هامان اِستِرئن اولدوغو کورسونون اوستونه دؤشه‌نئب. پادشاه ددی: «بو آدام اِوئمده، منئم یانیمدا مَلَکه‌‌یه قَصد اده‌جک مگر؟» اِله بو سؤز پادشاهین آغزیندان چیخاندا هامانین اوزونو اؤرتدولر.

9حَرَم‌آغالاردان خَربونا آدلی بئر نفر کی، پادشاهین حوضوروندا ائدی، ددی: «باخ، هامانین اِوئنئن قاباغیندا اَلّی قول‌آچ اوجالیغیندا بئر دار آغاجی وار. هامان اونو پادشاها خیئر خبر ورن موردوکای اوچون حاضیرلاتدیریب.» پادشاه ددی: «اوندان اؤزونو آسین!»

10بله‌جه هامانین موردوکای اوچون دوزَلتدئردئیی دار آغاجیندان اونون اؤزونو آسدیلار. بوندان سونرا پادشاهین قضبی سویودو.

← Chapter 6 Chapter 8 →