Deuteronomy 34

azerbaijan-2013

1موسا موآب اووالاریندان نِبو داغینا گدئب، اَرئحانین موقابئلئنده اولان پئسگاه تپه‌سئنه چیخدی. رب اونا بوتون اؤلکه‌نی گؤرستدی. دانا قدر اوزانان گئلعادی،

2بوتون نَفتالئنی، اِفرایئم و مِنَسّه تورپاقلارینی، قرب دهنزئنه قدر اوزانان بوتون یهودا تورپاغینی،

3نِگِبی، خورمالار شهری اَرئحا دره‌سئنئن صوعَره قدر اوزانان اووانی گؤرستدی.

4سونرا رب اونا ددی: «ائبراهئمه، ائسحاقا و یعقوبا ورمه‌یه آند ائچدئیئم تورپاق بودور کی، دِمئشدئم: ”اورانی سئزئن اؤولادلارینیزا وره‌جیم.“ من ائجازه وردئم کی، اورانی اؤز گؤزلرئنله گؤره‌سن. لاکئن اورایا گئرمیه‌جکسن‌.»

5ربّئن سؤزونه گؤره قولو موسا اله اورادا، موآب تورپاغیندا اؤلدو.

6رب اونو موآب تورپاغیندا اولان بِیت‌‌پِعورون موقابئلئنده‌کی دره‌ده دفن اتدی. بو گونه قدر هچ کئم اونون قبئرئنئن یرئنی بئلمئر.

7گرچی موسا اؤلَنده یوز ائیئرمی یاشیندا ائدی، لاکئن گؤزو نوردان دوشمه‌مئش، طاقتی ده چکئلمه‌مئشدی.

8ائسرایئل اؤولادلاری موسا اوچون موآب اووالاریندا اوتوز گون یاس توتدولار. موسا اوچون اولان ماتم گونلری قورتاردی.

9نون اوغلو یوشَع حئکمت روحو ائله دولموشدو، چونکی موسا اونون اوستونه اللرئنی قویموشدو؛ ائسرایئل اؤولادلاری دا اونا قولاق آسدیلار و ربّئن موسایا امر اتدئیی هر شیه عمل اتدئلر.

10ائسرایئلده موسا کئمی بئر پیغمبر داها چیخماییب کی، رَبله اوز-اوزه گؤروشسون.

11رب اونو گؤندَرمئشدی کی، مئصئر تورپاغیندا فئرعونا، اونون بوتون اعیانلارینا، و بوتون اؤلکه‌سئنه چوخلو علامتلر و مؤجوزه‌لر گؤرسدسئن.

12موسانین عمل‌لری بوتون ائسرایئلئن گؤزلری قاباغیندا چوخ قودرتلی و بؤیوک زَهملی ائدی.