Acts 6

azerbaijan-2013

1بو گونلرده کی، شاگئردلر چوخالیردیلار، یونانی دانیشان یهودئلر عئبرانئلردن شئکایت اتدئلر. چونکی گونده‌لئک خیراتدا اونلارین دول آروادلارینا کم‌محللئک اولونوردو.

2اون‌ائکی حواری شاگئردلرئن ائجلاسینی چاغیریب ددئلر: «بئزه یاراشماز کی، تارینین کلامینی بوراخیب سوفره خئدمتئنه مشغول اولاق.

3ائندی ای قارداشلار، آرانیزدان حاقلاریندا یاخشی شهادت اولونان، موقدّس روحلا دولو، حئکمتله دولو یدّی نفر سچئن کی، بئز اونلاری بو ائش اوچون تعیئن ادک.

4آمّا بئز اؤزوموزو دوعا و کلام خئدمتئنه وقف اده‌جه‌یئک.»

5بو سؤز بوتون ائجلاسا خوش گؤروندو. ائمان و موقدّس روحلا دولو اولان استئفانی، فئلئپوسو، پروخوروسو، نئکانورو، تئمونو، پارمِناسی و یهود دئنئنه دؤنموش اَنطاکئیه‌لی نئکولاسی سچدئلر.

6و اونلاری حوارئلرئن حوضورونا گتئردئلر. اونلار دا دوعا ادندن سونرا، اونلارین اوستونه اللرئنی قویدولار.

7و تارینین کلامی یاییلیردی و شاگئردلرئن ساییسی اورشلئمده بؤیوک بئر شکئلده چوخالیردی. کاهئنلردن بئر چوخو دا ائمانا موطئع اولوردولار.

8و استئفان، قووّت و فیضله دولو، خالق آراسیندا بؤیوک مؤجوزه‌لر و علامتلر گؤرسدئردی.

9لاکئن آزادلار کنئسه‌سی آدلانان کنئسه‌دن، کرِنِیلی‌لردن، ائسکندرئیه‌لی‌لردن، کئلئکئیادان و آسئیادان بعضئلری قالخیب استئفانلا موباحئثه‌یه گئرئشدئلر.

10آمّا اونون سؤزونده اولان حئکمت و روحلا موقابئله اده بئلمئردئلر.

11او واخت بعضی آداملاری گئزلئجه توولادیلار کی، دسئنلر: «اونون موسا و تارینین ضئدّئنه کوفر دانیشدیغینی اشئتمئشئک.»

12و خالقی، آغساقّاللاری، و دئن عالئملرئنی قیزیشدیردیلار. اونلار دا اونو یاخالاییب توتدولار و مجلئسه آپاردیلار.

13و یالانچی شاهئدلر ده قاباغا چیخارتدیلار کی، ددئلر: «بو آدام بو موقدّس یرئن و شرئعتئن ضئدّئنه کوفر دانیشماقدان ال چکمئر.

14چونکی بئز اوندان اشئتدئک کی، دیئردی: ”ناصئره‌لی عئسا بو یری خارابا قویاجاق و موسانین بئزه وردئیی عادتلری دیئشدئره‌جک.“»

15مجلئسده اوتورانلارین هامیسی اونا گؤز دئکمئشدی و اونون اوزونو بئر ملک اوزو کئمی گؤروردولر.

← Chapter 5 Chapter 7 →