2 Timothy 4

azerbaijan-2013

1تاری و مسئح عئسانین حوضوروندا کی، اؤلولر و دئرئلری موحاکئمه اده‌جک، سنی اونون ظوهور و پادشاهلیغینا آند ورئرم:

2کلامی وعظ ات، واخت-بِواخت حاضیر اول، بؤیوک صبر و نصئحتله ائصلاح ات، توبئخ ات، تشوئق ات.

3چونکی اِله بئر زامان گله‌جک کی، اونلار آرتیق صحئح تعلئمه دؤزمه‌یه‌جکلر؛ لاکئن قولاقلاری قاشیناراق، اؤز هوسلرئنه موطابئق موعلّئملر ییغاجاقلار

4و قولاقلارینی حقئقتدن دؤندَ‌رئب، افسانه‌لره اوز گتئره‌جکلر.

5لاکئن سن هر شیده آییق اول، چتئنلئیه دؤز، بئر موبشّئرئن ائشئنی گؤر، خئدمتئنی یرئنه یتئر.

6چونکی من آرتیق ائچمه قوربانی کئمی تؤکولموشم و منئم رحلت زامانیم یتئشئب.

7یاخشی ساواشی ساواشمیشام، دؤورو آخیرینا یتئرمئشم، ائمانی حئفظ اتمئشم.

8گله‌جکده منئم اوچون صالحلئک تاجی حاضیرلانیب کی، رب، او صالح داور او گونده اونو منه جایئزه وره‌جک؛ آنجاق تک منه یوخ، اونون ظوهورونو سِوَن هامییا.

9چالیش کی، منئم یانیما تز گله‌سن.

10چونکی دئماس بو حاضیر دونیانین سوگئسی اوچون منی ترک ادئب و تسالونئکه گدئب؛ کرئسکئس قالاتئیایا، تئطوس دا دالماتئیایا گدئب.

11آنجاق لوقا یانیمدادیر. مرقوسو گؤتور و اؤزونله گتئر، چونکی منه خئدمت اوچون فایدالی‌دیر.

12تئخئکوسو اِفِسوسا گؤندَ‌رمئشم.

13گلنده تروآسدا کرپوسون یانیندا قویدوغوم ردانی، کئتابلاری، خوصوصَن ده طومارلاری گتئر.

14مئسگر ائسکندر منه چوخ یامانلیق اتدی؛ رب اونا عمل‌لرئنه گؤره عوض وره‌جکدئر.

15شخصن اوندان موواظئب اول، چونکی بئزئم تعلئمه شئدّتله ضئدّ دوردو.

16بئرئنجی دئفاعیمدا هچ کس منه آرخا اولمادی؛ هامی منی ترک اتدی. اولسون کی، بو اونلارین ضئدّئنه ساییلماسین.

17لاکئن رب منئمله دوروب، منه قووّت وردی، اِله کی، منئم واسئطمله ائنجئلئن اعلانی کامئل بئر شکئلده یرئنه یتئشسئن و بوتون قیری‌‌یهودئلر اونو اشئتسئنلر. و من آصلانین آغزیندان قورتولدوم.

18رب منی هر پئس عملدن قورتاریب، امئن-آمانلیقدا اؤز گؤیده‌کی پادشاهلیغینا گتئره‌جک. اونا ازلدن ابده‌جک شؤوکت اولسون. آمئن.

19پرئسکا و اکئلایا، و اونسئفوروسون اِو اهلئنه سالام یتئر.

20اِراستوس قورئنتده قالدی، لاکئن تروفئموسو مئلئتوسدا ناخوش بوراخدیم.

21چالیش کی، قیشدان قاباق گله‌سن. یوبولوس سنه سالام گؤندَ‌رئر، هم ده پودِنس، لئنوس، کلودئیا و بوتون قارداشلار.

22رب سنئن روحونلا اولسون. فیض سئزئنله اولسون.