2 Corinthians 10

azerbaijan-2013

1ائندی، من، پولوس شخصن مسئحئن حلئملئیی و مولایئملئیی آدینا سئزدن خاهئش ادئرم-من کی، آرانیزدا حاضیر ائکن حلئم، لاکئن قایئب ائکن جسورام.

2خاهئش ادئرم کی، حاضیر اولاندا، مجبور قالماییم کی، بعضئلرئن ضئدّئنه ددئیئم جورعتئمی گؤرسدئم، او آداملارین ضئدّئنه کی، بئزئم رفتاریمیزی جئسمانی گومان ادئرلر.

3چونکی جئسمده یرئسَک ده، جئسمه گؤره جنگ اتمئرئک.

4چونکی جنگئمئزئن سئلاحلاری جئسمانی دیئللر، لاکئن قالالاری ییخماق اوچون تارینین قودرتئنه مالئکدئرلر.

5بئز نظرئیّه‌لری و تارینین معرئفتئنه ضئدّ دوران هر باطئل شیی ییخیریق و هر دوشونجه‌نی مسئحئن ائطاعتئنه اسئر ادئرئک.

6و سئزئن ائطاعتئنئز نه زامان تکمئل اولسا، هر جور ائطاعتسئزلئیی جزالاندیرماغا حاضیریق.

7آیا هر شیه ظاهئری گؤرونوشونه گؤره باخیرسینیز؟ اگر کئمسه اؤزونده بو یقئنی وار کی، مسئحئندئر، قوی گئنه ده اؤزونده دوشونسون کی، او اؤزو نجه مسئحئنکئدئر، بئز ده اله‌یئک.

8چونکی حتّا اگر ربّئن بئزه وردئیی ائقتئدارینا فخر اِتسَم ده، اوتانان دیئلم، او ائقتئدارا کی، سئزی ییخماق اوچون یوخ، سئزی داها چوخ بئنا اتمک اوچوندور.

9چونکی ائسته‌مئرم اِله گؤرونوم کی، گویا مکتوبلاریملا سئزی قورخودورام.

10چونکی دیئرلر: «مکتوبلاری آغیر و قودرتلی‌دئر، آمّا شخصی گؤرونوشو تأثئرسئز، نئطقی ده حقئردئر.»

11بله دوشونَن آدام قوی بئلسئن کی، بئز قایئب‌ائکن مکتوبلاریمیز واسئطه‌سی‌ائله سؤزده نجه‌یئک، حاضیر ائکن عملده ده اِله‌یئک.

12چونکی بئزده او جسارت یوخدور کی، اؤزوموزو، اؤزلرئنی تعرئفله‌ین بعضئلرئنه اوخشاداق، یا دا اونلارلا موقایئسه ادک. اونلار اؤزلرئنی اؤزلری ائله اؤلچه‌رک و اؤزلرئنی اؤزلری ائله موقایئسه اده‌رک، آنلاقسیز اولورلار.

13آمّا بئز حدّئمئزدن آرتیق فخر اتمه‌یه‌جه‌یئک، لاکئن تارینین بئزه اؤلچو تعیئن اتدئیی او ساحه‌نئن اؤلچوسونده فخر ادئب، سئزه ده یتئشئب چاتاجاغیق.

14بئز، سئزه یتئشمه‌ینلر کئمی اؤزوموزو اوزاتمیریق، چونکی مسئحئن ائنجئلئنئن خوش خبری ائله سئزئن چاتدیغینیز یره بئز اوّل چاتدیق.

15بئز حددن آرتیق، یعنی اؤزگه بئر آدامین زحمتئنه فخر اتمئرئک، آمّا اومئد ادئرئک کی، ائمانینیز بؤیودوکجه، بئز ده اؤز حدّئمئزئن ائچنده داها دا آرتیق ووسعت تاپاق.

16اِله کی، ائنجئلئن خوش خبرئنی سئزئن او تایینیزداکی اؤلکه‌لره وعظ ادک و اؤزگه بئرئنئن اؤلچوسونده باشا چاتدیریلمیش اوچون فخر اتمه‌یک.

17«لاکئن قوی فخر ادن آدام، ربده فخر اتسئن.»

18چونکی اؤزونو تعرئف ادن یوخ، ربّئن تعرئف اتدئیی آدام مقبول ساییلیر.

← Chapter 9 Chapter 11 →