2 Chronicles 8

azerbaijan-2013

1سولیمان ربّئن معبدئنی و اؤز سارایینی ائیئرمی ائلده تئکئب قورتاردیقدان سونرا،

2خورامین اونا وردئیی شهرلری تزه‌دن تئکدی و ائسرایئل اؤولادلارینی اورادا یِرلَشدئردی.

3سونرا سولیمان خَمات-صوبایا گتدی و اونو آلدی.

4صحرادا تَدمورو تزه‌دن تئکدی و خَماتدا تئکدئیی بوتون آنبار شهرلرئنی باشا چاتدیردی.

5یوخاری بِیت‌خورونو و آشاغی بِیت خورونو، قالالی شهرلری، دووارلار، قاپیلار و چفته‌لری ائله تئکدی.

6بَعَلاتی، اؤزونون آنبار شهرلرئنی، بوتون دؤیوش عارابالارینین اولدوغو شهرلری، آتلی‌لارین اولدوغو شهرلری، اورشلئمده، لوبناندان و اونون حؤکمرانلیغی آلتیندا اولان بوتون یرلرده تئکمک ائسته‌دئیی هر شیی تئکدی.

7اؤلکه‌ده ائسرایئللی‌لردن اولمایان آیری خالقلار، خئتلی‌لر، اِمورلولار، پِرئزلئلر، خئولی‌لر و یِبوسلولار قالمیشدی.

8چونکی ائسرایئل اؤولادلارینین محو اتمه‌دئیی بو آداملارین نسئل‌لری اؤلکه‌ده بوراخیلمیشدی. سولیمان اونلاری ائجباری فَحله‌لر اتدی و بو، ائندئیه قدر بله‌دئر.

9لاکئن ائسرایئل اؤولادلاریندان هچ کسی اؤز ائشی اوچون قول اتمه‌دی؛ اونلار سولیمانین دؤیوشچولری، سرکرده ریئسلری، دؤیوش عارابالارینین و آتلی‌لارینین باشچیلاری ائدئلر.

10بونلار سولیمان پادشاهین نظارت ادن باش ریئسلر ائدئلر. خالقا ریئسلئک ادن بو آداملار ائکی یوز اَلّی نفر ائدئلر.

11سونرا سولیمان فئرعونون قیزینی داوودون شهرئندن اونون اوچون تئکدئیی اِوئنه کؤچورتدو. چونکی او ددی: «آروادیم ائسرایئلئن پادشاهی داوودون ساراییندا یاشاماسین، اونا گؤره کی، ربّئن ساندیغینین گئردئیی یرلر موقدّسدئر.»

12سونرا سولیمان ایوانین قاباغیندا دوزَلتدئیی ربّئن قوربانگاهیندا، ربّه یاندیرما قوربانلاری تقدئم اتدی.

13موسانین امر اتدئیی کئمی بونو سَبّت گونلرئنده، تزه آی مراسئملرئنده، ائلده اوچ دفه بایراملاردا تقدئم اتدی؛ یعنی مایاسیز چؤرک بایرامیندا، هفته‌لر بایرامیندا و چارداقلار بایرامیندا تقدئملر گونونده تقدئم اتدی.

14آتاسی داوودون وردئیی ترتئباتا موطابئق، او، کاهئنلرئن بؤلمه‌لرئنی خئدمتلرئنه موطابئق، هر گونون قایداسی ائله کاهئنلرئن یانیندا حمد و خئدمت اتمک اوچون لاوئلی‌لری وظئفه‌لرئنه موطابئق و هر قاپی‌یا قاپیچیلاری بؤلمه‌لرئنه موطابئق تعیئن اتدی. چونکی تاری آدامی داوود بله امر اتمئشدی.

15اونلار هر مَسَله‌ده، خزئنه‌لرله باغلی مَسَله‌لرده پادشاهین کاهئنلره و لاوئلی‌لره اولان امرئندن چیخمادیلار.

16ربّئن معبدئنئن بونؤوره‌سئنئن قویولماسیندان تئکئلئب قورتارانا قدر سولیمانین هر ائشی یرئنه یِتئشمئشدی. بله‌جه ربّئن معبدی تئکئلئب قورتاردی.

17سولیمان اِدوم اؤلکه‌سئنده، دهنزئن کناریندا اولان عِصیون-گِبِره و اِلوتا گتدی.

18خورام، نؤکرلرئنئن واسئطه‌سی‌ائله اونا گَمئلر و دهنزه بَلَد آداملار گؤندَ‌ردی. اونلار سولیمانین آداملاری ائله بئرلئکده اوفئره گتدئلر و اورادان دؤرد یوز اَلّی تالانت قیزیل گؤتوروب سولیمان پادشاها گتئردئلر.

← Chapter 7 Chapter 9 →