2 Chronicles 33

azerbaijan-2013

1مِنَسّه، پادشاه اولدوغو واخت، اون ائکی یاشیندا ائدی و اورشلئمده اَلّی بش ائل پادشاهلیق اتدی.

2او، ربّئن گؤزونده پئس اولان ائشلر ادئب، او مئلّتلرئن ائیرنج ائشلری کئمی اتدی کی، رب اونلاری ائسرایئل اؤولادلارینین قاباغیندان قووموشدو.

3آتاسی خئزقئیانین داغیتدیغی پرستئشگاهلاری تزه‌دن تئکدی، بَعَل بوتلری اوچون قوربانگاهلار قوردو و اَشِرا بوتلری دوزَلتدی، بوتون گؤی جئسئملرئنه سجده و قوللوق اتدی.

4ربّئن «آدیم ابده کئمی اورشلئمده قالاجاق» ددئیی معبدئنده، مِنَسّه قوربانگاهلار تئکدی.

5ربّئن معبدئنئن هر ائکی حَیَطئنده بوتون گؤی جئسئملرئنه قوربانگاهلار دوزَلتدی.

6او، اوغوللارینی بِن‌هئنّوم دره‌سئنده اوددا قوربان وردی، فالچیلیغا مشغول اولدو، باخیجیلیق و جادوگرلئک ادئب، جئندارلارا و روح چاغیرانلارا اوز گتئردی. ربّئن گؤزونده چوخلو پئس ائشلر گؤروب اونون قضبئنی آلوولاندیردی.

7دوزَلتدئیی اویما بوتو تارینین معبدئنه قویدو، او معبده کی، تاری داوودا و اوغلو سولیمانا دمئشدی: «بو معبدده و بوتون ائسرایئل قبئله‌لرئندن سچدئیئم اورشلئمده اؤز آدیمی ابدی قویاجاغام.

8اگر منئم اونلارا بویوردوغوم هر شیه و موسا واسئطه‌سی‌ائله اونلارا ورئلَن بوتون قانونا، قایدالارا و حؤکملره عمل اتسه‌لر، قویمایاجاغام کی، ائسرایئللی‌لرئن اؤولادلاری، آتالارینا تعیئن اتدئیئم تورپاقدان دئدَرگئن دوشسونلر.»

9مِنَسّه یهودالی‌لاری و اورشلئمده یاشایانلاری اله یولدان چیخارتدی کی، ربّئن ائسرایئل اؤولادلارینین قاباغیندا محو اتدئیی مئلّتلردن ده چوخ پئس ائشلر اتدئلر.

10رب مِنَسّه و اونون خالقی ائله دانیشدی، آمّا اونلار قولاق آسمادیلار.

11رب آشور پادشاهینین قوشون باشچیلارینی اونلارین اوستونه گؤندَ‌ردی. اونلار مِنَسّه‌‌نئن بورنونا چنگل تاخدیلار و اونا بورونج زنجئر ووروب، بابئله آپاردیلار.

12او بو دارلیغیندا تاریسی ربّه یالواردی و آتالارینین تاریسی قاباغیندا اؤزونو چوخ آلچالتدی،

13تارییا دوعا اتدئکده، تاری دا اونون دوعاسینی قبول اتدی و یالواریشینی اشئتدی، اونو گئنه اورشلئمه، اؤز پادشاهلیغینا گتئردی. او واخت مِنَسّه بئلدی کی، رب تاری‌دیر.

14بوندان سونرا او، دره‌ده اولان گئخونون قرب طرفئندن بالیق دروازاسینین گئره‌جک یرئنه قدر داوودون شهرئنه باییر طرفدن بئر دووار تئکدی، اونونلا عوفِل تپه‌سئنی اَحاطه‌یه آلدی و اونو چوخ اوجالتدی. یهودانین بوتون قالالی شهرلرئنه قوشون باشچیلاری قویدو.

15مِنَسّه اؤزگه آللاهلاری، ربّئن معبدئنده‌کی بوتو، ربّئن معبدئنئن داغیندا و اورشلئمده تئکدئیی بوتون قوربانگاهلاری آرادان قالدیریب اونلاری شهرئن باییرینا آتدی.

16او، ربّئن قوربانگاهینی تعمئر ادئب اورادا باریش و شوکور قوربانلاری تقدئم اتدی و یهودالی‌لارا امر اتدی کی، ائسرایئلئن تاریسی ربّه قوللوق اتسئنلر.

17آمّا خالق حله ده پرستئشگاهلاردا قوربان گتئرئردی، لاکئن آنجاق اؤزلرئنئن تاریسی ربّه گؤره.

18مِنَسّه‌نئن قالان ائشلری، اؤز تاریسینا دوعاسی و گؤروجولرئن سؤزلری کی، اونا ائسرایئلئن تاریسی ربّئن آدی ائله سؤز دِیئردئلر، ائسرایئل پادشاهلارینین تارئخ کئتابیندا یازیلیبدیر.

19اونون دوعاسی و دوعاسینین اِشئدئلدئیی باره‌ده، بوتون گوناهی و خیانتی باره‌ده، اؤزونو آلچالتمادان اوّل پرستئشگاهلار تئکئب اَشِرا بوتلرئنی و اویما بوتلری قویدوغو یِرلر باره‌ده خوزایین تارئخ کئتابیندا یازیلیبدیر.

20مِنَسّه اؤلوب آتالاری ائله یاتدی و اونو اؤز ساراییندا باسدیردیلار. اونون یرئنه اوغلو آمون پادشاه اولدو.

21آمون، پادشاه اولدوغو واخت، ائیئرمی ائکی یاشیندا ائدی و اورشلئمده ائکی ائل پادشاهلیق اتدی.

22او، آتاسی مِنَسّه‌نئن اتدئیی کئمی ربّئن گؤزونده پئس اولان ائشلر اتدی. آتاسی مِنَسّه‌نئن دوزَلتدئیی بوتون اویما بوتلره آمون دا قوربان کَسدی و اونلارا قوللوق اتدی.

23او، آتاسی مِنَسّه‌دن فرقلی اولاراق، اؤزونو ربّئن قاباغیندا آلچالتمادی، عکسئنه، آمون گوناهی داها دا آرتیردی.

24اعیانلاری اونون ضئدّئنه قصد حاضیرلادیلار و اونو اؤز ساراییندا اؤلدوردولر.

25اؤلکه خالقی، پادشاه آمونون ضئدّئنه قصد حاضیرلایانلارین هامیسینی قیردیلار و اونون یرئنه اوغلو یوشئیانی پادشاه اتدئلر.

← Chapter 32 Chapter 34 →