2 Chronicles 13

azerbaijan-2013

1یَروبعامین پادشاهلیغینین اون سکّئزئنجی ائلئنده اَبئیا یهودا اوستونده پادشاه اولدو.

2او، اورشلئمده اوچ ائل پادشاهلیق اتدی. آناسی گئبعالی اورئیِلئن قیزی مئکایا ائدی. اَبئیا ائله یَروبعامین آراسیندا موحارئبه گدئردی.

3اَبئیا دؤرد یوز مئن سچمه ائگئد دؤیوشچو قوشونلا جنگه گئرئشدی. لاکئن یَروبعام سکّئز یوز مئن سچمه ائگئد دؤیوشچوسونو اونون ضئدّئنه دوزدو.

4اَبئیا اِفرایئمئن داغلیق بؤلگه‌سئنده اولان صِمارایِم داغینا قالخیب ددی: «ای یَروبعام و بوتون ائسرایئللی‌لر، منی اشئدئن!

5مگر بئلمئرسئنئز کی، ائسرایئلئن تاریسی رب ائسرایئل اوستونده پادشاهلیغی ابده کئمی داوودا و اونون اوغوللارینا ورئبدئر؟ بونو دوزلا عهد ادئب.

6لاکئن نِباط اوغلو یَروبعام، داوود اوغلو سولیمانین قولو، قالخیب آغاسینین ضئدّئنه عوصیان اتدی.

7اونون اطرافینا بوش و دَیَرسئز آداملار ییغیلیب سولیمان اوغلو رِحوبعاما ضئدّ چیخدیلار. رِحوبعام جاوان و قورخاق اولدوغو اوچون اونلارین ضئدّئنه دورا بئلمه‌دی.

8ائندی سئز دوشونورسونوز کی، داوود اوغوللارینین اَلئنده اولان ربّئن پادشاهلیغینا ضئدّ دوراسینیز. سئز بؤیوک بئر قوشونسونوز و یَروبعامین سئزه آللاهلار دوزَلتدئیی قیزیل دانالار دا سئزئنله‌دئر.

9مگر هارون نسلئندن اولان ربّئن کاهئنلرئنی و لاوئلی‌لری قووماییبسینیز؟ مگر آیری اؤلکه‌لرئن خالقلاری کئمی اؤزونوزه کاهئنلر قویماییبسینیز؟ هر کس کی، بئر گامیش و یدّی قوچلا تقدئس اولونماق اوچون گلسه، یالانچی آللاهلارین کاهئنی اولا بئلر.

10آمّا بئزه گلئنجه، رب بئزئم تاریمیزدیر و بئز اونو ترک اتمه‌مئشئک؛ بئزده هارون نسلئندن اولان کاهئنلر ربّه خئدمت ادئرلر و لاوئلی‌لر ده خئدمت باشیندا حاضیردیرلار.

11اونلار هر سحر، هر آخشام ربّه یاندیرما قوربانلاری و خوش عطئرلی بوخور یاندیریرلار، تمئز مئز اوستونه چؤرک تقدئمی قویورلار و هر آخشام قیزیل چیراقدانی چیراقلاری ائله حاضیرلاییب یاندیریرلار. چونکی بئز تاریمیز ربّئن قویدوغو امرلرئنه عمل ادئرئک، آمّا سئز اونو ترک ادئبسئنئز.

12باخ، تاری بئزئمله‌دئر، باشیمیزین اوستونده‌دئر. اونون کاهئنلری ده بئزئمله‌دئرلر. اَللرئنده کَره‌نایلار وار کی، سئزئن ضئدّئنئزه چالسینلار. ای ائسرایئل اؤولادلاری، آتالارینیزین تاریسی ربّئن ضئدّئنه موحارئبه اتمه‌یئن، چونکی باجارا بئلمزسئنئز.»

13لاکئن یَروبعام اونلارین آرخاسیندان کمئن قورموشدو. بله‌جه ائسرایئل یهودالی‌لارین قاباغیندا ائدی. کمئن ده اونلارین آرخاسیندا ائدی.

14یهودالی‌لار دؤندوکده گؤردولر کی، اونلارا قاباقدان و آرخادان هوجوم اولوندو. اونلار ربّه فریاد اتدئلر و کاهئنلر کَره‌نایلاری چالدیلار.

15یهودالی‌لار نعره چکدئلر. اونلار نعره چکنده، تاری یَروبعامی و بوتون ائسرایئللی‌لری اَبئیانین و یهودانین قاباغیندا قیردی.

16ائسرایئل اؤولادلاری یهودالی‌لارین قاباغیندان قاچدیلار و تاری اونلاری، یهودالی‌لارین اَللرئنه تسلئم اتدی.

17اَبئیا ائله خالقی اونلاری بؤیوک تلفاتا سالدیلار: اِله کی، ائسرایئللی‌لردن بش یوز مئن سچمه آدام هلاک اولدو.

18بله‌جه او واخت ائسرایئل اؤولادلاری موطئع اولدولار و یهودالی‌لار آتالارینین تاریسی ربّه بِل باغلادیقلاری اوچون قالئب گلدئلر.

19اَبئیا یَروبعامی تعقئب اتدی و اوندان بِیت ائل‌له قصبه‌لرئنی، یِشانا ائله قصبه‌لرئنی، اِفرونلا قصبه‌لرئنی آلدی.

20اَبئیانین دؤورونده یَروبعام بئر داها گوجلو اولمادی. رب اونو ووردو و او اؤلدو.

21لاکئن اَبئیا داها دا گوجلَندی. او، اون دؤرد آرواد آلدی، ائیئرمی ائکی اوغولون و اون آلتی قیزین آتاسی اولدو.

22اَبئیانین قالان ائشلری، عمل‌لری و سؤزلری مگر پیغمبر عئدّونون حکایه‌سئنده یازیلماییبدیر؟

← Chapter 12 Chapter 14 →