1 Thessalonians 5

azerbaijan-2013

1زامانلار و واختلار حاقّیندا، قارداشلار، احتئیاجینیز یوخدور کی، هچ بئر شی سئزه یازیلسین.

2چونکی سئز اؤزونوز یاخشی بئلئرسئنئز کی، ربّئن گونو گجه گلن اوغرو کئمی گله‌جک.

3آداملار «سالامات وار، امئن-آمانلیق وار» دئین واخت، هلاکت بئردن اونلارین اوستونه گله‌جک، نجه کی، دوغماق آغریسی بویلو بئر آروادی توتور. و قاچا بئلمه‌یه‌جکلر.

4آمّا سئز، قارداشلار، قارانلیقدا دیئلسئنئز کی، او گون سئزی اوغرو کئمی یاخالاسین.

5چونکی سئز هامینیز ائشیغین اوغوللاری و گوندوزون اوغوللاریسینیز. بئز نه گجه‌دن‌ائک، نه ده قارانلیقدان.

6بونا گؤره یاتمایاق، نجه کی، اؤزگه‌لر ادئرلر. گلئن اویاق و آییق قالاق.

7چونکی یاتانلار گجه یاتیرلار، کفله‌نَنلر ده گجه کفله‌نئرلر.

8آمّا بئز، گوندوزونکو اولدوغوموزا گؤره، گلئن آییق قالاق، ائمان و محبّت زئرِهئنی گِیک، باشیمیزا دا نئجات اومئدئنی دَبئلقه کئمی قویاق.

9چونکی تاری بئزی قضب اوچون یوخ، ربّئمئز عئسا مسئحئن واسئطه‌سی‌ائله نئجاتا نایئل اولماق اوچون تعیئن ادئب.

10او کی، بئزئم اوچون اؤلدو کی، ائستر اویاق اولاق، ائستر یاتمیش، اونونلا بئرلئکده یاشایاق.

11بونا گؤره ده بئربئرئنئزی تشوئق ادئب، بئربئرئنئزی بئنا ادئن، نجه کی، ادئرسئنئز ده.

12آمّا، قارداشلار، سئزدن خاهئش ادئرئک کی، آرانیزدا زحمت چکنلره و ربده سئزه باشچی اولانلارا و سئزه نصئحت ورنلره حؤرمت ادئن.

13و ائشلری اوچون اونلارا محبّتده چوخ بؤیوک احتئرام گؤرسه‌دئن. بئربئرئنئزله باریش ائچئنده یاشایین.

14قارداشلار، سئزه یالواریریق کی، نئظامسیز اولانلارا نصئحت ورئن، جورعتسئزلری تشوئق ادئن، ضعئفلره کؤمک ادئن، هامییا نئسبت صبئرلی اولون.

15دئقّتلی اولون کی، هچ کئم یامانلیق عوضئنه یامانلیق اتمه‌سئن، لاکئن همئشه بئربئرئنئزئن و بوتون ائنسانلارین یاخشیلیغینی آختارین.

16همئشه سوئنئن.

17دائم دوعا ادئن.

18هر شی اوچون شوکور ادئن. چونکی بو، مسئح عئسادا اولان سئزلر اوچون تارینین ائراده‌سی‌دئر.

19روحو سؤندورمه‌یئن.

20نبئلئک سؤزلرئنه حقارتله باخمایین.

21هر شیی ائمتاحانا چکئن؛ یاخشی اولانی برک توتون.

22هر جور شردن اوزاق دورون.

23قوی باریش تارینین اؤزو سئزی تامامن تقدئس اتسئن و ربّئمئز عئسا مسئحئن گلئشئنده روحونوز، جانینیز، و بدنئنئز قوصورسوز حئفظ اولونسون.

24سئزی دعوت ادن وفالی‌دیر و بونو اده‌جک ده.

25قارداشلار، بئزئم اوچون دوعا ادئن.

26بوتون قارداشلاری موقدّس اؤپوشله سالاملایین.

27رب حاقّی اوچون سئزه آند ورئرم کی، بو مکتوبو بوتون قارداشلارا اوخویاسینیز.

28ربّئمئز عئسا مسئحئن فیضی سئزئنله اولسون.