1 Samuel 3

azerbaijan-2013

1جاوان سمویئل عِلی‌نئن باشچیلیغی آلتیندا ربّه خئدمت ادئردی. او گونلرده ربّئن سؤزونون نازئل اولماسی و رؤیالارین گؤرولمه‌سی نادئر حاللاردا باش ورئردی.

2بئر گجه عِلی یاتاغیندا اوزانمیشدی. گؤزلری ضعئف اولدوغونا گؤره یاخشی گؤرموردو.

3تارینین چیراغی حله سؤنمه‌مئشدی و سمویئل ربّئن مَقدَسئنده، تارینین ساندیغی اولان یرده اوزانمیشدی کی،

4رب سمویئلی چاغیردی. او دا ددی: «بورادایام.»

5سونرا دا عِلی‌نئن یانینا قاچیب ددی: «منی چاغیردین، من بورادایام.» آمّا عِلی جاواب وردی: «من چاغیرمامیشام، گت یات.» سمویئل گدئب یاتدی.

6رب تزه‌دن چاغیردی: «سمویئل!» سمویئل گئنه قالخیب عِلی‌نئن یانینا گتدی و ددی: «منی چاغیردین؟ من بورادایام!» عِلی گئنه ده جاواب وردی: «من چاغیرمادیم اوغلوم، گت یات.»

7سمویئل ربّی حله تانیمیردی و ربّئن سؤزو اونا حله آچیلمامیشدی.

8رب اوچونجو دفه سمویئلی چاغیردی و سمویئل گئنه قالخیب عِلی‌نئن یانینا گتدی و اونا ددی: «باخ بورادایام، منی سن چاغیردین.» او آندا عِلی آنلادی کی، بو اوغلانی چاغیران ربدئر.

9بونا گؤره ده سمویئله ددی: «گت اوزان، گئنه سنی چاغیرسا، بله دئیَرسن: ”دانیش، یارب، قولون سنی اشئدئر.“» بله‌جه سمویئل گدئب یرئنده یاتدی.

10رب گلئب اورادا دوردو و اوّلکی کئمی چاغیردی: «سمویئل! سمویئل!» سمویئل ددی: «دانیش، قولون سنی اشئدئر.»

11رب سمویئله ددی: «باخ ائسرایئلده اله بئر ائش گؤره‌جیم کی، اشئده‌نئن قولاقلاری جئنگئلده‌یه‌جک.

12همئن گون عِلی‌نئن اِوی حاقّیندا ددئکلرئمئن هامیسینی اوّلدن آخیرا قدر یرئنه یتئره‌جیم.

13چونکی اونا چاتدیرمیشدیم کی، اؤزو بئلدئیی گوناهلارینا گؤره اونون اِوئنی همئشه‌لئک محکوم ادئرم، چونکی تارییا لعنت گتئردئلر، آمّا عِلی اونلارین قاباغینی آلمادی.

14بونا گؤره ده عِلی‌نئن اِوئنه آند ائچمئشم کی، عِلی‌نئن اِوئنئن تقصئری هچ واخت نه قوربانلا باغیشلاناجاق، نه ده آیری تقدئملرله.»

15سمویئل سحره قدر اوزاندی، سونرا ربّئن اِوئنئن قاپیلارینی آچدی. لاکئن قورخدو کی، گؤردویو رؤیانی عِلئیه بئلدئرسئن.

16سونرا عِلی سمویئلی چاغیریب ددی: «سمویئل، اوغلوم.» سمویئل جاواب ورئب ددی: «بلی، بورادایام.»

17عِلی اوندان سوروشوب ددی: «رب سنه نه ددی؟ خاهئش ادئرم، مندن گئزلَتمه. اگر سنه ددئکلرئندن بئرئنی بِله، مندن گئزله‌ده‌سن، تاری سنه بِله‌سئنی و بوندان بَتَرئنی اتسئن.»

18بله‌جه سمویئل اونا هر شیی ددی و هچ نه گئزلَتمه‌دی. عِلی ده ددی: «او، ربدئر، قوی گؤزونده نه خوشدور، اونو اتسئن.»

19سمویئل بؤیودو. رب اونونلا ائدی و رب اونون سؤزلرئندن هچ بئرئنی بوشا چیخارتمادی.

20بوتون ائسرایئل، داندان بئرشئبایا قدر، سمویئلئن ربّئن پیغمبری اولدوغونو باشا دوشدو.

21رب گئنه شئلودا گؤرونمه‌یه باشلادی. چونکی رب شئلودا اؤزونو سمویئله کلامی ائله گؤرسدمئشدی.

← Chapter 2 Chapter 4 →