1 Samuel 25 — azerbaijan-2013

1سمویئل اؤلدو و بوتون ائسرایئل ییغیلیب اونون اوچون یاس توتدولار. اونو رامادا، اؤز اِوئنئن یانیندا دفن اتدئلر. داوود دوروب پاران صحراسینا اِندی.

2ماعوندا بئر آدام یاشاییردی کی، کَرمِلده مولکو وار ائدی. چوخ دا وارلی بئر آدام ائدی. اونون اوچ مئن باش قویونو، مئن باش دا کچئسی وار ائدی. او، قویونلارینی کَرمِلده قیرخدیریردی.

3بو آدامین آدی نابال، آروادینین آدی دا اَبئگائل ائدی. آرواد آغیلّی و گؤزل ائدی. لاکئن کالئب نسلئندن اولان بو کئشی داش اورَکلی و رفتاریندا پئس ائدی.

4داوود صحرادا اشئتدی کی، نابالین قویون قیرخیمی وار.

5او، اون جاوان گؤندَ‌رئب اونلارا ددی: «کَرمِله نابالین یانینا گدئن و مندن اونا سالام دیئن.

6اونا دیئن: ”عؤمرون اوزون اولسون، سن و اِو اهلئن سالامات اولسون، سنئن اولان بوتون شیلر سالامات اولسونلار!

7اشئتمئشم کی، ائندی سئزده یون قیرخیمی‌دیر. سنئن چوبانلارین بئزئم یانیمیزدا اولاندا بئز اونلاری ائنجئتمه‌دئک و کَرمِلده قالدیقلاری گونلر عرضئنده هچ نه‌لری ده اَسکئلمه‌دی.

8بونو اؤز نؤکرلرئندن ده سوروشا بئلرسن و اونلار دا سنه دئیَرلر. قوی آداملاریم سنئن گؤزونده لوطف تاپسین، چونکی یانینا بایرام زامانی گلمئشئک. خاهئش ادئرم کی، قوللارینا و اوغلون داوودا اَلئنده اولانیندان ور.“»

9داوودون آداملاری گلئب بوتون بو سؤزلری داوودون آدیندان نابالا دیئب گؤزله‌دئلر.

10آمّا نابال داوودون آداملارینا بله جاواب وردی: «بو داوود دا کئم؟ یَسّه اوغلو دا کئم؟ بو گونلرده بئر چوخ نؤکر آغالارینی بوراخیب گدئر.

11چؤره‌یئمی، سویومو و قیرخینچیلار اوچون کَسدئیئم حیوانلارین اَتئنی گؤتوروب او آداملارا ورئم کی، هارادان اولدوقلارینی بئلمئرم؟»

12داوودون آداملاری اؤز یوللاری ائله گِرئیه قاییتدیلار و گلئب بو سؤزلرئن هامیسینی داوودا ددئلر.

13داوود آداملارینا ددی: «هامی قیلینجینی باغلاسین.» هر کس قیلینجینی باغلادی. داوود دا قیلینجینی باغلادی. دؤرد یوز نفر داوودون دالینجا گتدی و ائکی یوز نفر ده اَسبابلارین یانیندا قالدی.

14نابالین نؤکرلرئندن بئری اونون آروادی اَبئگائله خبر وردی: «باخ، داوود آغامیزی سالاملاماق اوچون صحرادان قاصئدلر گؤندَ‌ردی، آمّا آغامیز اونلارا اهانت اتدی.

15آمّا بو آداملار بئزه چوخ یاخشیلیق اتدئلر و بئزی ائنجئتمه‌‌دئلر. چؤلده اولدوغوموز زامان، اونلارلا گَزدئیئمئز بوتون گونلر عرضئنده هچ نه‌یئمئز اَسکئلمه‌‌دی.

16قویونلاری اوتارارکن یانلاریندا اولدوغوموز گونلر گجه و گوندوز بئزه حاصار اولدولار.

17آمّا ائندی باخ، نه اده‌جیئنی دوشون، چونکی پئسلئک آغامیز و اونون بوتون عایئله‌سئنئن ضئدّئنه قرار ورئلئر. نابال دا اِله دَیَرسئز آدامدیر کی، اونا هچ کس بئر سؤز دئیه بئلمئر.»

18او واخت اَبئگائل جَلد تَرپه‌نئب، ائکی یوز کؤمبه چؤرک و ائکی تولوق شراب حاضیرلادی. حاضیرلانمیش بش قویون، بش اؤلچو قووورغا، یوز سالخیم قورو اوزوم و ائکی یوز پارچا باسیلمیش انجئر لاواشاسی گؤتوروب اِششَکلره یوکله‌دی.

19سونرا نؤکرلرئنه ددی: «سئز قاباقدا گدئن، من آرخانیزدان گلئرم.» لاکئن بو باره‌ده اَری نابالا هچ نه بئلدئرمه‌دی.

20اَبئگائل اِششه‌یه مئنئب داغین باغلی طرفئندن اِنَرکَن داوود دا آداملاری ائله اورایا اِنمَکده ائدی و آرواد اونلارلا راستلاشدی.

21داوود دمئشدی: «دوغرودان دا، عبث یره بو آدامین چؤلده اولان بوتون ماللارینی قورودوم کی، اونون هچ نه‌یی اَسکئلمه‌سئن. او منه یاخشیلیغیمین عوضئنده پئسلئک اتدی.

22اگر سحره‌جک اونون بوتون مالئک اولدوقلاریندان بئر کئشی بِله، صاغ بوراخسام، قوی تاری دا داوودون دوشمنلرئنه بِله‌سئنی و بوندان دا بَتَرئنی اتسئن.»

23اَبئگائل داوودو گؤرجک جَلد اِششَکدن دوشدو و داوودون قاباغیندا اوزونو یره قویوب تعظئم اتدی.

24سونرا اونون آیاقلارینا دوشوب ددی: «ای آغام، بو گوناهی منئم اوستومه قوی. ائجازه ور کی، کنئزئن سنئنله دانیشسین. کنئزئنئن سؤزلرئنه قولاق آس.

25خاهئش ادئرم آغام نابالین، بو دَیَرسئز آدامین آجیغینی قلبئنه سالماسین، چونکی آدی نجه‌دئر، اؤزو ده اِله‌دئر. آدی نابال اولدوغو کئمی اؤزو ده آخماقدیر. ای آغام، من کنئزئن آغامین گؤندَردئیی آداملاری گؤرمه‌‌دئم.

26مادام کی، رب سنی ائندی قانا باتماقدان و اؤز اَلئنله قئصاص آلماقدان ساخلادی، وار اولان ربّه و جانینا آند اولسون، آغامین دوشمنلری و بدخاهلاری نابال کئمی اولسون.

27لاکئن ائندی ائجازه ور، کنئزئنئن آغاما گتئردئیی بو هدئیّه‌لر آرخانجا گلن جاوانلارا ورئلسئن.

28یالواریرام، کنئزئنئن گوناهینی باغیشلا، چونکی رب قطعن آغاما برقرار بئر نسئل یاراداجاق، اونا گؤره کی، آغام ربّئن دؤیوشلرئنی ادئر و عؤمرون بویو سنده شر تاپیلمایاجاق.

29کئمسه قالخیب سنی قووماق و جا‌نینی آلماق ائسته‌یئنده آغامین جا‌نینی رب تاری حیات ائچئنده ساخلایاجاق، لاکئن سنئن دوشمنلرئنئن جانینی ساپاندین اورتاسیندان آتیلان داش کئمی آتاجاقدیر.

30رب آغاما ددئیی یاخشیلیقلارین هامیسینی حیاتا کچئردنده و سنی ائسرایئله حؤکمدار ادنده،

31آغام ناحاق قان تؤکوب اؤزو اوچون قئصاص آلدیغینا گؤره پشمان اولمایاجاق، وئجدان عذابی دا چکمه‌یه‌جک. رب آغاما یاخشیلیق ادنده کنئزئنی ده یادا سال.»

32داوود اَبئگائله ددی: «ائسرایئلئن تاریسی رب موبارک اولسون کی، بو گون سنی منئم پئشوازیما گؤندَ‌ردی.

33بصئرتئن موبارک اولسون، موبارک اولاسان کی، بو گون منی قان تؤکمَکدن و اَلئمله اؤز قئصاصیمی آلماقدان ساخلادین.

34حقئقتن، منی سئزه پئسلئک اتمکدن سن ساخلادین، ائسرایئلئن تاریسی وار اولان ربّه آند اولسون، اگر جَلد تَرپه‌نئب منئم قاباغیما چیخماسایدین، قطعن سحر ائشیغینا قدر نابالین کئشئلرئندن بئری ده صاغ قالمایاجاق ائدی.»

35داوود اونون گتئردئیی شیلری اَلئندن آلیب ددی: «اِوئنه سالامات گت، باخ، سنئن سؤزونه باخیب خاهئشئنی یرئنه یتئردئم.»

36او واخت اَبئگائل نابالین یانینا گلدی. نابالین اِوئنده پادشاه ضئیافتئنه اوخشار بئر ضئیافت کچئردی. نابال کفلی اولدوغونا گؤره گؤیلو نشعه‌لی ائدی. اونا گؤره ده سحر آچیلانا قدر اَبئگائل اونا هچ نه بئلدئرمه‌دی.

37سحر آچیلاندا، نابال شرابدان آییلان کئمی آروادی باش ورن حادئثه‌لری اونا دانیشدی و نابالین اوره‌یی اوزولدو، بدنی داشا دؤندو.

38تخمئنَن اون گوندن سونرا رب نابالی ووردو و او، اؤلدو.

39داوود نابالین اؤلدویونو اشئدنده ددی: «رب موبارک اولسون کی، نابالین اتدئیی اهانتی گؤروب داعوامی او اتدی و قولونون اَلئنی پئسلئکدن ساخلادی. رب نابالین پئسلئیئنی اؤز باشینا گتئردی.» داوود اَبئگائله اِلچی گؤندَ‌رئب اونو اؤزونه آرواد ائسته‌دی.

40داوودون اِلچئلری کَرمِله، اَبئگائلئن یانینا گلئب ددئلر: «داوود بئزی اِلچی گؤندَ‌رئب کی، سنی اؤزونه آرواد ائسته‌سئن.»

41اَبئگائل قالخیب یره‌جک تعظئم ادئب ددی: «باخ، کنئزئن آغامین قوللارینین آیاقلارینی یوماق اوچون بئر کنئزدئر.»

42او جَلد قالخیب اِششه‌یه مئندی. اونا خئدمت ادن بش جاوان آروادی یانینا آلیب داوودون قاصئدلرئنئن دالینجا گتدی و داوودون آروادی اولدو.

43داوود یِزرِعِللی اَخئنوعَمی ده آلمیشدی. هر ائکئسی اونون آروادی اولدولار.

44آمّا شاعول، قیزی مئکَلی کی، داوودون آروادی ائدی، گلّئملی لایئش اوغلو پَلطئیه اَره ورمئشدی.